Black Peanuts! 黑花生

台灣黑落花生

好鍾意食花生，唔一定要飲啤酒先食得，花生營養價值高，跟據網上資料：

花生的蛋白質含量高達30%，其營養價值可與動物性食品雞蛋、牛奶、瘦肉媲美。它又含有人體所必需的8種氨基酸，而且其比例也與人體相適宜。此外，它還含有豐富的脂肪、卵磷脂，維生素A、B、E、K，以及礦物質元素鈣、磷、鐵等。花生中含有豐富的不飽和脂肪酸，能促進體內膽固醇的代謝和轉化，增強其排瀉功能，所以它具有降低血膽固醇的作用，可預防動脈粥樣硬化和冠心病。

花生仲有好多益處，所以我去超市都會得閒買包，一日食十粒到 。最近行超市，見到d黑色花生，買黎食吓，幾得意，但我都喜歡「正常」版多d！PS:唔好食太多，喉嚨會痛，唔好買加太多鹽果d，仲有，有d人對花生敏感，要小心，嚴重會有生命危險架！

老趙越南餐廳 Lo Chiu Vietnamese Restaurant

招牌法式三文治

蒸粉卷

香茅鷄翼

星期六行開佐敦，見到老趙，好耐未去過，於是入去試下，我都唔知呢間同山林道果間係咪一樣，以前對山林道果間d野食麻麻地，今次算ok，三文治好多人叫，我都覺得幾好，軟硬及乾濕適中，雞翼就差d，唔香同太乾冇汁又細隻，粉卷油左d之外都ok嘅。下次有機會試下牛肉湯粉先，如整得唔好嘅話就枉為越南餐廳啦。

扎肉湯檬粉

熟牛肉河粉

由鼎泰豐到做野嘅態度

滷水牛展

牛肉麵

小籠包

清炒菜心

菜肉包

toothpicks

一個月總有一、兩次行吓尖咀，如果6點食飯都會去鼎泰豐(7點去起碼要等半個鐘)，我總會叫小籠包、炒飯或牛肉麵，每一次嘅水準都好好，連簡單嘅炒菜心都唔會炒得老，支支菜心都咁上下大細，明顯有揀同洗過。今晚就叫咗d另類野，牛展就冇王加沙咁香同咁「臨」，菜肉包都唔夠香，個包d麵粉差啦，冇乜彈性。

點解講食又関做野態度事嘅？你去鼎泰豐就知乜叫做服務態度，侍應、知客、厠所啊姐都好有礼貌。去餐廳一睇個厠所就知老闆的細心，唔細心點會有好野呢？佢地個廁所成日抹，所以好乾淨，冇積冇味，點解台灣人做得到香港人做唔到呢？佢地對侍應嘅training都好，我地嘅茶壺未乾塘已經有人黎加熱水，未舉手已經有人過黎，當然可能因為非繁忙時間嘅關係啦，。態度決定一切！所以鼎泰豐全世界愈開愈多分店咯！！做人、讀書、做事都係一樣，態度就是一切！好多時成績差的同學都唔係因為IQ問題，佢地個個都係醒目仔女，咪就係態度問題囉！學習態度、處事態度、做人態度…一切一切，我觀察到好多時呢d壞習慣都係由細累積起黎，唔係話兩年大專生活可以輕易改變到，改到嘅，前路嘅選揀咪多d咯。好得意架，有時喺街道遇到呢d舊生，明明見到都會掂行掂過，甚致揾路走，好似遇到殺父仇人咁，哈！我係會鬧人，尤其是對d態度差嘅學生，其實我豆份人工，落堂咪走囉，駛乜咁勞氣呢？！我只不過係緊張，希望可以閙醒一下佢地，所謂「少壯不努力，老大徒傷悲」啊！但我其實都係囉梭吓啫，對事又唔對人嘅，加上我都係最多講兩、三次就算。最近網上遇番一d成績麻麻嘅學生，佢地話有d後悔，當初唔勤力，宜家無出路，話我閙得唔夠力水！:-)   同佢地傾下都知道佢正努力改變自己，尋找目標。都好呀，雖然遲咗d啫，但始終醒咗呀！好，我要繼續「閙爆」！！

Fresh Shrimp Sashimi! 活蝦刺身

活蝦刺身

今晚去完O’Camp探班學生，之後同同事揸車由TKO去九龍成「金宝」食泰國野，同事話呢間野好出名，好多名星去食。我地點左好多野，每人佰幾埋單，好飽。招牌菜「活蝦刺身」唔錯，「醬爆蝦丸」都好正，其他菜就一般OK水準。

鼎泰豐

小小豆沙飽

以前屋企附近有「鼎泰豐」，所以差不多每星期都幫趁一、兩次咁，最喜歡就係排骨麵或炒飯，同埋招牌小籠飽。可惜台灣總店收番經營權同搬左去新港中心，如果你7點之後去，要預左要排長隊！改左總公司經營之後，服務超一流，厠所超乾淨！香港食店要學吓！但我就唔鐘意佢地而家整豬扒嘅方法。豆沙飽係其中嘅至愛，唔太甜，細細粒，好正！

好有feel的茶杯

B&W淡奶杯

茶餐廳、冰室係香港特色，點解仲未有人將佢地例入世界文化遣產？佢充分表現出香港人Can-do精神，入到去乜都有得食，仲周不時有好多新嘢試，例如炒丁，咸檸可樂，凍檸檳…

今日去左間茶餐廳，D熱嘢仲係用好厚嘅杯，其他茶餐廳已經轉哂用不銹鋼杯，冇咁好feel！不過咁厚嘅杯令到容量減少咗好多，一淡就飲完！