“Earfood” – Roy Hargrove

耳糧！

愛音樂，更愛Jazz，最近都冇乜買過CD，有一日去完圓方睇戲，經過HMV就入去行吓，買咗呢隻CD，佢07年9月黎過香港大會堂表演，我都有去聽，仲坐得幾近添，佢吹Trumpet好有feel，佢就玩咗首呢隻碟嘅歌”Strasbourg/St. Denis”，平時小號d旋律一般都比較憂怨，但呢首就好輕快，真係好有feel，好，決定隻碟一出就要買，好小機會買碟會鐘意哂隻碟所有tracks，呢隻就係屬於呢d異數，正！我最近行過HK Records, 多事走去check下呢隻碟賣幾錢，原來比HMV平20蚊！激死人！究竟喺邊道買呢類碟會最平呢？

The Brave New World of Huqin 胡琴新一族

中西Crossover!

正所謂”No Music, no live”，有時間一定要比音樂勳陶一下。我平時喜歡西樂，今晚有場過引嘅中樂胡琴表演，玩中西crossover，一定要去見識下。胡琴就差不多等如西樂嘅弦樂器如Violin, Cello, Double Bass等，喺演奏上嘅位置編排同西樂都差唔多，都係喺指揮嘅左手邊。我第一次接觸二胡(胡琴家族成員之一)係我喺大學教Computer Animation嘅時候，因為當時d電腦好慢(用緊SGI Indy同PC Intel P2 CPU咋)，一位同學開始render嘅時候就學拉二胡，善用下等待嘅時間，到佢完成條片，佢已經可以識拉幾首歌！

講番今晚個concert，有好多大師表演，仲玩咗d西樂同Bossa Nova，勁過引！有位台灣大師温金龍仲同板本龍一及劉華做過世界巡迥音樂會添，勁！另外一位大師George Gao，佢揾左3個洋成員一齊玩，玩double bass嘅Lew Mele仲用咗個由香港中樂團研發出黎嘅double bass革胡！原來香港中樂團有研發樂器，好似仲放左係文化中心展覧緊。

大會堂音樂廳

忽發奇想，二胡声音幽怨，點解唔揾香港Blues結他手Tommy一齊jam下，玩下d首本名曲，普及一下都好呀。