2009 HK Books Fair 書展掃貨

一年的精神食糧

每年有時間都會去書展行下，趁機會有折買番d心水書，呢d書就係未來一年嘅食糧。今年會展新翼開咗，闊落好多，不過都多人。今次帶咗架行李喼去，舒服d架，不過又駛多咗錢，我都限自己唔好買太多，要忍吓手，所以攝影書都冇買，買咗d設計書for黎緊可能要教嘅科目，三本以上有七折！希望來年有時間讀多d書。

前幾年Books Fair都會見到d有料作家出黎見吓讀者，好多年前就同張五常教授傾下同簽名，佢嘅「賣桔者言」我睇咗唔只一次，今次都買咗本佢嘅新作「災難的先兆」，近幾年都冇乜勁料作家出黎囉。今年熱烘烘嘅o靚毛事件，又令書展熱閙起黎，書展好反影社會狀態，前幾年股市大熱，金融書大賣，金融風暴之後，心靈勵志書大賣，今年似乎沒有大方向，除左寫真同偶像書外大賣、仲有本立體書。其實書展係散貨場，入場人數年年上昇，08年有八十萬人次參觀！作為展覧會黎講係好成功，咁推動閱讀文化呢？HK Books Fair係一個Trade Exhibition，推動閱讀文化應該為主要目的架？我又諗起西九，西九係政府一個向世界「展覽」香港喺有文化嘅野，乜你會祈望一個展覽野會推動文化嗎？

“Yes!”

"Yes!"

我教緊班讀Psychology嘅同學，成日聽佢地講d理論好深好難明，有d迷失，我雖然冇正式讀過Psy.但都知要理解當中嘅理論係首先需要一定嘅英語能力，但係咪一開始就要攞d理論書去嚇驚自己呢？不如介紹呢本書叫”Yes!“比大家睇吓，作者其中之一Dr. Cialdini係行為社會心理學教授，專攻影嚮力(influence)及說服力(persuasion)，呢本書列出50個心理實驗，每個實驗都好實用，同學可以揀黎睇，當短故仔獨立咁睇，好易明，睇完咁你就知Psy.係一科Science, 可以apply去邊。

對咗佢地十幾個星期，發覺有d同學到而家仲未知心理學係一科乜東東，可能當初揀「心理學」因為個名夠cool吧！咁就煩，繼續讀一科唔係自己興趣或能力範圉之內係好辛苦嘅事。我聽過有人話：「讀完心理學就可以知道一個人心裡面諗緊乜啦！」，呢d繆誤真係害死好多人！

“Outliers” 成功方程式

成功與失敗

係英國讀書時，時間比較多，平均每個月都可以讀完一本書，果陣時識左好多作者同名著，例如Edward de Bono, Ian Stewart, Tony Buzan, Dale Carnegie，甚至於土產張五常(賣桔者言)等。外國讀書氣氛真係比香港好好多，好多時你會見到外國人會係地鐵、巴士、火車、等緊人時手上都會攞住本書、報紙睇，香港呢？見得最多咪攞住部PSP、NDS、手機不停地打打打。有人話Internet會取代書本，我覺得Internet資訊雖然多，但始終短期來都取代唔到書本。

做老師嘅，一定要不斷充實自己，(其實任何人都要)，除左為自己之外，老師都有責任比多方面嘅知識學生，所以無論幾忙，都要睇書，補充番d墨水！

我近排睇完呢本”Outliers”，我好喜歡呢個作者Malcolm Gladwell, 佢之前d書我都睇過，例如超熱賣嘅”The Tipping Point”，呢個作者對社會一d現象觀察得好深入，大膽假設，小心求証，讀Sociology嘅同學，要睇吓呢本書。

Malcolm喺呢本書分析成功人仕，發覺好多時要有d獨特嘅外在因素，例如文化、天時、地利(同東方智慧十分相似)，先可以令一個人成功，作者用上大量 case去support 佢個論點，當然個人努力是必要的，作者做左個统計話要成功，如要成功？最低限度要投入一萬小時！作者亦對失敗作研究，得出結論就係七個連串小錯就會做成大錯！你都可以試吓數吓你工作緊嘅機構，最近作出左幾多錯誤的小決定，如果就到七呢個magic number，就要快d另找出路啦！哈，最近香港連番失誤有冇七次呢…

提一提，呢本書中譯版都出咗。

中譯版：異數