勵志故事: 周杰倫

萬人景仰

阿Jay已經係天王級數，好多年前當CSL揾佢做代言人時曾經有近距離接觸，當時心諗呢位仁兄木木獨獨咁，又冇表情又唔笑，點會紅架！點知d女仔見到佢一出黎，直頭發哂癲！不過佢d音樂造詣又幾好嘅。

有日睇咗佢嘅出生，非常感動，睇完之後對佢及Jay媽非常敬佩，我將呢個感人故事同我某一班同學分享，希望可以鼓勵佢地，有人想睇下、鼓勵下自己，可以去呢道。

睇完之後你要明白堅持和勤力的重要，同埋要孝順父母 — 特別是媽媽！

由鼎泰豐到做野嘅態度

滷水牛展

牛肉麵

小籠包

清炒菜心

菜肉包

toothpicks

一個月總有一、兩次行吓尖咀，如果6點食飯都會去鼎泰豐(7點去起碼要等半個鐘)，我總會叫小籠包、炒飯或牛肉麵，每一次嘅水準都好好，連簡單嘅炒菜心都唔會炒得老，支支菜心都咁上下大細，明顯有揀同洗過。今晚就叫咗d另類野，牛展就冇王加沙咁香同咁「臨」，菜肉包都唔夠香，個包d麵粉差啦，冇乜彈性。

點解講食又関做野態度事嘅？你去鼎泰豐就知乜叫做服務態度，侍應、知客、厠所啊姐都好有礼貌。去餐廳一睇個厠所就知老闆的細心，唔細心點會有好野呢？佢地個廁所成日抹，所以好乾淨，冇積冇味，點解台灣人做得到香港人做唔到呢？佢地對侍應嘅training都好，我地嘅茶壺未乾塘已經有人黎加熱水，未舉手已經有人過黎，當然可能因為非繁忙時間嘅關係啦，。態度決定一切！所以鼎泰豐全世界愈開愈多分店咯！！做人、讀書、做事都係一樣，態度就是一切！好多時成績差的同學都唔係因為IQ問題，佢地個個都係醒目仔女，咪就係態度問題囉！學習態度、處事態度、做人態度…一切一切，我觀察到好多時呢d壞習慣都係由細累積起黎，唔係話兩年大專生活可以輕易改變到，改到嘅，前路嘅選揀咪多d咯。好得意架，有時喺街道遇到呢d舊生，明明見到都會掂行掂過，甚致揾路走，好似遇到殺父仇人咁，哈！我係會鬧人，尤其是對d態度差嘅學生，其實我豆份人工，落堂咪走囉，駛乜咁勞氣呢？！我只不過係緊張，希望可以閙醒一下佢地，所謂「少壯不努力，老大徒傷悲」啊！但我其實都係囉梭吓啫，對事又唔對人嘅，加上我都係最多講兩、三次就算。最近網上遇番一d成績麻麻嘅學生，佢地話有d後悔，當初唔勤力，宜家無出路，話我閙得唔夠力水！:-)   同佢地傾下都知道佢正努力改變自己，尋找目標。都好呀，雖然遲咗d啫，但始終醒咗呀！好，我要繼續「閙爆」！！

設計與創業 Design and Entrepreneurship

設計

設計作為職業 Design as career

最近有家長問我個女對設計好唔好，我睇佢就唔係好想個女讀設計，但個女就喺產品設計方面有talent同興趣；呢d個案都見唔少，好似前年咁，有好多家長千方百計咁叫d仔女讀會計、金融、財務科，家長們今年自從雷曼事件同金融風暴之後，就再冇叫d仔女讀呢一瓣，其實讀一科點可能知五、六年之後果行會點架！況且家長好多時對課程內容都唔明白就叫仔女去讀，當d家長一行開，d仔女會同我講佢地個真正想讀乜但歎耐何，其實家長們應該依佢地嘅興趣及能力去選擇課程，而唔係將你地想讀嘅課程投射喺仔女身上，試諗下叫你去讀兩年你冇興趣嘅課目，你一定讀得唔好架啦，咁對子女有乜好處呢？

香港嘅設計都好掂架，前一排港台有節目「志在設計」介紹傑出華人設計師，你知道General Motors首席汽車設計師係一位香港女性嗎？好多喺跨國公司，如BMW、Nike等，擔任高級設計師都係香港人，況且香港都有好多品牌已經國際知名。講返近一d，我地第一屆讀產品設計嘅Ivan已經憑自已力量創立咗自己嘅設計公司，佢嘅產品同設計己經行銷各地，上年暑假仲請咗我地兩位讀產品設計嘅同學到佢公司實習，又有人工，又有野學，呢位師兄真有心。

香港己經冇傳统製做業好耐，推動香港經濟就要靠高增值嘅產品，一個好嘅品牌就不可缺少，而好嘅設計就係打造品牌的重要原素；舉個例子，同樣一件白色T shirt，冇嘜頭個件就賣50蚊，有個Designer Label (例如”保羅‧史密夫”、”Agn*s b”…等)就可以賣成幾佰蚊，有時仲要限量添！

互聯網推動創業 Internet Drives Entrepreneurship

做design想創業比以前容易好多，以前一定要飛去世界各地做產品展銷活動，花費不少時間及金錢，而家有咗web就唔同啦，好多designers都係一、兩個人公司，利用互聯網發表作品，全世界任何一個角落都可以見到你設計嘅產品同埋可以做買賣添！Web真係減省咗好多開支，好多讀design嘅畢業生都自己做老闆，只需要一部電腦同互聯網，加上自己嘅創意，就自組公司接job，完全靠自己！

Web 2.0 and Design

上過我堂都大概知道Web 2.0嘅特點，最近睇本雜誌講一個網站幫你做設計師，創辨人西山浩平在97年創立咗「空想生活」網站，消費者有好嘅產品概念可以upload去呢網同人分享，如果有1,000個網民支持，便會將個設計交比生產商作考慮生產。喺2000年，無印良品(Muji)面對發展過度，新社長决定同西山合作，成立「空想無印」，收集消費者對無印產品嘅意見。

兩個網站目前共有10萬名會員，每月瀏覧人次高達40萬，網友將idea上傳，只要有1,000人支持，無印會考慮生產。西山話如果有1000人支持，市塲好大機會有數倍嘅需求，值得企業去研發。當無印接納網民的構想，出售每一件貨品其價格約1%會作版權費支付「空想無印」。而那1%的版權費，會根據工序被平均分為4部份—設計、市場推廣、製造及提供網上平台，後三者全由「空想無印」一手包辦，原設計者將得到那1%版權費中的四份之一。

每年收16萬版權費！

由2001年至今，網站提供的構思已經被製成80件無印商品。其中一件產品版權費最高，就係一個平平無其嘅cushion，連續四年成為銷量No.1產品，為設計者5年來每年收取約16萬港元的版權費！呢個cushion女設計師「柴田文江」都簿有名氣架。

6.21 熄燈行動 – 獨立思想

煤發電廠

我中學年代都好鐘意去行山、露營，果陣時去西貢浪茄、馬料水、大嶼山等，晚上一抬頭就會見到成個天都係星星，而家呢d地方好多已經起哂樓啦，莫講話星啦，月亮都未必睇到啦！最近地球之友喺6月21日搞左個熄燈行動，我都覺得香港有好多地方唔需要咁多燈，放工經過旺角就最多呢d case，同埋d地產鋪就最興用d大光燈連收工之後都長開，太浪費，節約能源，我最贊成！今年熄燈行動有好多地產商都支持，媒體報導都好正面，市民100%支持。不過你知我古靈精怪，專諗d無謂野，我諗下電力公司平時生產，譬如說，十個單位嘅總電量比香港市民用，但假設果日香港市民好慳，淨係用得五個單位，咁個五個多餘嘅單位會點呢？我估會係浪費左(有錯請指正)，所以最正就係生產十個單位嘅電量又啱啱用哂佢，所以我估電力公司最唔鍾意d突然間增加或減少嘅電量要求，所以你話呢個熄燈行動實際幫到幾多呢？其實會否做成巨大浪費呢？電力公司梗係唔會講啦，咁嘅環保大氣侯講話個熄燈行動冇用，找死呀？但係凡事係咪得黑同白呢？當然傳媒同所有PR最鍾意簡化到d事得黑同白啦，容易sell嘛！現今咁複雜嘅世界，太多灰色地帶，好似正生書院事件，是否好似傳媒咁講得黑同白呢？所以我覺得獨立思想係好重要，但扁扁就係香港嘅學生最欠缺嘅一樣嘢！點算？

On Radio again (2)! 再去電台做嘉賓(二)

主持及嘉賓合照

由今個星期期開始連續三個星期同一位嘉賓Wendy講吓Social Networking，例如Facebook, Twitter等，Wendy係Airgini嘅創辨人，之前我提過嘅佢地攪嘅Thumbdive，有時間聽下、指教一下。

新城997

電台：新城資訊台 (FM99.7–102.1MHz)
節目: 知識迎人

日期、時間：23, 30 June + 7 July 2009, 8:00-8:30pm

新城訪問 23June09 錄音

新城訪問 30June09 錄音

新城訪問 07July09 錄音

On Radio again! 再去電台做嘉賓

新城997

上次接受新城邀請去介紹一下我地個school，今次上去係輕鬆咁講下點樣用IT技術去幫電影製作出天馬行空嘅特效，有興趣嘅不妨指教一下，詳情如下：

電台: 新城資訊台 (FM99.7MHz – 102.1MHz)
節目: 知識迎人
日期、時間：9 June and 16 June 2009, 8:00-9:30pm

與主持人Steven及Joanne合照

新城訪問 9June09 錄音
新城訪問 16June09 錄音

教授級講座系列 – 何浩培教授

何浩培教授

我地舉辨一係列講座，邀請一d勁料教授黎深入淺出咁分享下佢地嘅想法。今次有中文大學工程學院Associate Dean何教授講下科技點樣影嚮生活，佢舉出好多例子點樣我地生活，例如電燈、電話、電與磁、光纖、半導体…等等嘅發明，何教授仲提出究竟科技點樣影嚮我地下一代呢？大家真係要諗一下，我地今日做嘅事影嚮緊我地嘅後代架！讀書方面，教授認為健康醫療同能源方面會有快嘅發展，有見及此，中大工程學院同醫學院會合作攪一個新嘅Degree in Biomedical Engineering，課程正積極籌備中，大概會有50名學額。佢仲提同學工程學院提供比較多嘅非聯招(non-jupas)學額。多謝何教授百忙之中抽出時間，同學們獲益不少。

科技與生活

窮小子浸鹹水?

王澤基

中文大學四十週年攪左個talk，請返一d舊生分享一下成功經驗，其中一位舊生王澤基，我喺一本雜誌讀到佢嘅一個詳細訪問，幾有趣，分享一下。

37歲嘅佢而家係一間國際大投資銀行董事，家住豪宅，四個人有三個廁所。佢嘅出生係好typical嘅奮鬥故事：七歲由內地移民香港，語言不通比人白眼，家窮六口要住100呎天台屋，放假要做勞力工作幫補家計，喺荃官會考攞7A入中大暫取生讀電子工程。

當年的大學四年制，一般學生修讀約120個學分畢業，王澤基佢讀足230個，幾乎是別人的兩倍。他一臉認真地說：「我知現在很多大學生說讀書無用，但我告訴你，你覺得知識無用只因你學得不夠深。」

畢業後得到獎學金去MIT或Oxford讀工程碩士MPhil.，佢當時女朋友正在法國讀書(現是王太)，因為想接近多d，所以揀左去英國牛津，去到牛津發覺電腦設備好差(牛津理工科係差d)，轉軚讀經濟，由簡單嘅Supply & Demand Curve唔明到四年後攞到經濟學博士，畢業之後英國高盛請佢做Rocket Scientist (計量金融師), 負責寫程式，年薪15萬美元，06年返香港出任瑞銀執行董事，短短9年便升至行政總裁。

節錄一下王澤基對學習、工作及管理的智慧：

「在社會工作，懂得學習最緊要。你有本事將一樣知識從零學好，別人不願做的你也肯做，便成功在望。」

他說現在的年輕人比他那一代有本事，但自視過高 ，工作時嫌這嫌那。他經常為其工作的投資銀行進行招聘面試，一次，他問一個電腦系的畢業生是否懂得寫某類程式，畢業生反問寫程式這種皮毛工作不是有較低級的人做嗎？面試尾聲，畢業生問他一個MD的工作包括甚麽，他說：「我寫程式。」結果，這名志向宏大的電腦系畢業生當然沒有獲聘。

… 一位公司高層、領袖，要比任何人都刻苦耐勞。「領袖有3種： by Authority，by Inspiration, by Example。」佢信奉Leadership by Example。

王澤基不會因為放不下身段而拒絕做任何工作，因為他認為下屬心悅誠服跟隨你做事，「要令下屬覺得I’m proud to be in your team, 領袖必須身先士卒。」

… 「要得到同事的尊重，比升職加薪難很多很多，只坐在大班房涼冷氣的領袖最易發出不合情理的命令。」

王的轉捩點是得到羅德獎學金“Rhodes Scholarship”一百萬去牛津讀博士，前美國國務卿Rice同前美國總统Clinton都係Rhodes Scholar !評審甄選過程十艱苦，攞到真係除咗要讀書勁，仲要有廣闊嘅知識及視野，同好好的溝通能力，你成績有GPA有3.75(out of 4)或以上，可以試下，deadline 10月30日，詳情here。

王如果冇呢個Scholarship，今天的命運一定會改寫，我雖然細個時冇話好似佢咁窮要住天台屋，但係住公屋嘅我絕對沒可能會可以去到外國讀書，更何況讀博士做研究！我都要多謝Croucher Foundation比個Scholarship我完成學業！呢個獎學金都好難攞架，以前有好多勁人攞過，我係最C果個 總之感恩啦！

同學們，只要你努力，幹出好成績，呢個世界有好多有心人會幫你架！

“Outliers” 成功方程式

成功與失敗

係英國讀書時，時間比較多，平均每個月都可以讀完一本書，果陣時識左好多作者同名著，例如Edward de Bono, Ian Stewart, Tony Buzan, Dale Carnegie，甚至於土產張五常(賣桔者言)等。外國讀書氣氛真係比香港好好多，好多時你會見到外國人會係地鐵、巴士、火車、等緊人時手上都會攞住本書、報紙睇，香港呢？見得最多咪攞住部PSP、NDS、手機不停地打打打。有人話Internet會取代書本，我覺得Internet資訊雖然多，但始終短期來都取代唔到書本。

做老師嘅，一定要不斷充實自己，(其實任何人都要)，除左為自己之外，老師都有責任比多方面嘅知識學生，所以無論幾忙，都要睇書，補充番d墨水！

我近排睇完呢本”Outliers”，我好喜歡呢個作者Malcolm Gladwell, 佢之前d書我都睇過，例如超熱賣嘅”The Tipping Point”，呢個作者對社會一d現象觀察得好深入，大膽假設，小心求証，讀Sociology嘅同學，要睇吓呢本書。

Malcolm喺呢本書分析成功人仕，發覺好多時要有d獨特嘅外在因素，例如文化、天時、地利(同東方智慧十分相似)，先可以令一個人成功，作者用上大量 case去support 佢個論點，當然個人努力是必要的，作者做左個统計話要成功，如要成功？最低限度要投入一萬小時！作者亦對失敗作研究，得出結論就係七個連串小錯就會做成大錯！你都可以試吓數吓你工作緊嘅機構，最近作出左幾多錯誤的小決定，如果就到七呢個magic number，就要快d另找出路啦！哈，最近香港連番失誤有冇七次呢…

提一提，呢本書中譯版都出咗。

中譯版：異數

Computer Music Workshop 用電腦做音樂

如何用電腦做音樂

有好多人以為做音樂好難 (當然做好嘅音樂幾時都咁難)，自從有左個人電腦PC，做音樂嘅門檻下降左好多，就好似數碼相機咁，而家人人都可以啦。

我之前工作關係，認識左一d音樂人，同佢地傾下，佢地都係一班有理想嘅年青人。今日就請左其中一位朋友Thomas，借用Gary今日果堂IDD，黎同PAD同學分享一下點樣用科技創做音樂。

Thomas帶咗好多私伙架生黎demo，佢首先講吓如果同學需要set-up一個小型Home Stduio, 應該添置d乜野器材、唔同器材嘅選擇… 為咗同學可以接觸多d野，我地係1002添置左d外置Firewire-based音效卞M-Audio FW-410 行Sonar7 同Ableton5 Lite，夠哂用呀！

跟著佢就一個step一個step咁教d同學整loopings同multitrack，好多同學都可以喺短短兩個鐘頭之內都做到Thomas教過嘅嘢，相信佢地都有一個充實下午，遲d我post佢地d作品上黎先。

Music is life!

增值係列 – 電影特效工作坊

數碼特效工作坊

昨天早上我地係Hall玩咗”Cloning”，起初好多同學都覺得神奇，但係經過解釋之後，同學發現Photoshop係咁好玩嘅！而Photoshop喺我地個課程係主打軟件，做設計工作，Photoshop 技能就好似係食飯一樣：基乎係本能！

今次個workshop玩乜呢？之前cloning係做一幅相，今次就玩Video，我地會用一個做特效嘅軟件After Effects 試吓做星球太戰激光劍同龍珠龜波氣功嘅特效！After Effects喺我地個Creative Animation會教點用，出面做廣告、電影部成日用架，今次係一個好機會做一個初步嘅認識，名額有限，快d報名！

日期: 25 March 2009

時間: 3:00-6:00pm

地點: Room 1002

講者： Sam 大師

報名: 可以親自到 Room 1001，或在 Facebook 上 signup (itdd@cutw.edu.hk)

~~~~~~~~~~~~~~~~

[25 March 2009 update]

may the force be with you!

Sam大師首先講下特效喺電影嘅應用同埋少少歷史，跟著就教After Effects 一d基本功，然做大家一齊將我同Sam大師激光劍大戰個條片加工，佢地知道後期製作嘅威力！

下面呢條片就係成果，遲d有時間可以整條勁d嘅！

增值系列 – Talk “Electronic Medical Records”

Net Caves HK

政府最近提議用十億推出電子病歷計劃，到時市民嘅病歷就可以喺各醫療機構之間互通，加快趁証。據估計呢個計劃需要200至300人，當中不少係IT人，呢個係未來一個值得留意嘅發展方向。

最近我接觸過一間本地公司 Net Caves ,佢地默默耕耘寫咗一個叫 WinMed 嘅軟件比醫務所用，因為香港好多醫務所都其實係小型企業，呢個軟件提供自動化，從而減低成本，例如你去睇醫生一定會見到有一大個櫃放滿病人病歷，要花人力、時間同地方，如果可以將呢d資料電子化就好啦。

今次好高興 Net Caves 嚟同我地分享一吓呢方面嘅發展情况，個talk我安排咗係我教個科 “HC46003 IT and Instrumentation for Health Care” 舉行，其他同學，尤是讀Computing的，歡迎出席，詳情如下：

Speaker: Ms. Sun, Net Caves HK Ltd.

Date: 18 March 2009

Time: 930-1130am

Venue: Room 1005 (will change to a larger room if oversubscribe)

唔係HC46003嘅同學請先到10/F找Miss Wong Wong報名。

~~~~~~~~~~~~~

[18 March 09 update]

好多謝 NetCaves 嘅Peter同Uwins百忙中抽空同我d學生講吓Electronic Patient Record (EPR) 嘅最新發展同埋未來市場嘅潛力，我都學咗好多嘢，例如SOAP、ICD-10 coding system、互換資料嘅XML HL-7 standard… 等。Uwins仲 demo咗佢地公司嘅WinMed 軟件添，好 user friendly，可以幫到d診所自動化，佢地收費採用 subscription 形式，每月幾佰蚊，好多診所都負擔到，佢地話最大阻力有時係來自醫生，香港都有幾間醫療集團採用咗 WinMed 啦。學生反應最積極係Q&A，因為有4GB手指送！勁無耐，真失禮~~~

我地讀 Computing 嘅同學因為有堂上而黎唔到，可惜，其實 NetCaves 嘅成功可以借鏡一下：找到市場需要，用自己學過programming 嘅知識寫個軟件出黎，既可得到滿足感亦可以有收入；話你知 WinMed 都係由3個人一齊寫出嚟架！

好有用的一個講座

增值系列 – 學做簡單電腦特技 Teach you a simple movie digital effect

嘩原來係咁整出嚟

IT用途廣泛，喺電影道成日見到d天馬行空嘅嘢出現，例如最近個套Benjamin Button，入面都用咗好多數碼特技，Brad Pitt喺電影道一出世個頭咪好老嘅，你知唔知道套戲開始果一個鐘頭所出現嘅Brad Pitt個頭，喺由電腦做出嚟？睇吓呢條片就知啦。高手做嘅特技係用咗你都唔覺。呢d特技都要靠IT電腦去做出黎，今次我請左我個friend嚟示範一吓簡單嘅特技，喺電影道咪成日見到千軍萬馬嘅情況出現嘅？你估真係請咁多臨時演員？不可能嘛，佢地都係用電腦由十幾人clone到幾百人甚至幾千人出嚟架！

今次我地會示範一下用Photoshop將20樓個Hall填滿佢！！參加者將會成為呢次創舉嘅其中一份子，我吔首先會上20/F禮堂集合，影d相然後去Lab一齊用Photoshop試下整個特技出黎！最好你帶唔同嘅T-shirt啦、帽啦、褲啦，可以好快換唔同嘅服裝，等clone出黎唔會咁易比人認出嚟嚟去去都係個班人！ 今次應該好好玩同有野學，學而致用，名額有限，快d去10/F揾Miss Wong Wong報名。仲有，我個friend好好人架，佢喺電腦動畫、電影特技做咗好耐，同學可以問吓佢呢行嘅行情。

今次因時間關係，只可以做張相，其實可以做Video，我地School有一個行內常用嘅軟件，如果你讀我地嘅Creative Animation就有機會學，可以用埋個studio整特技出黎潻！

Management Wisdom 管理智慧

我都算係一個小管理人, 所以一有時間我會睇吓管理書充實自己。眾多管理大師之中，Peter Drucker係大師之中嘅大師，我一需要明燈時，我會攞佢d書出嚟番睇一吓，最近工作遇上好多需要明燈嘅時候，有幾句精警嘢，同大家分享一吓：

Efficiency is doing better what is already being done.

Management is doing things right, leadership is doing the right things.

Rank does not confer privilege or give power. It imposes responsibility.

The most important thing in communication is hearing what isn’t said.

聽落好簡單，執行易嗎？

Bye Bye Vista

Bad Vista

Vista困擾咗我好耐，我部Notebook唔係差，但行Vista起嚟總係唔順，只係得個靚字，我係踏實派，花巧嘢我唔太欣賞，電腦始終係工具，productivity勝於一切。其實好早就想downgrade番去XP Pro，因為冇時間同想等埋個320GB 7千2轉兩寸半嘅HD潻，假期有小小時間同埋多得「雲信」老師幫我捕住個HD(因來貨唔多，一有貨就比人搶哂)。其實downgrade最怏方法喺問廠買隻XP Recovery Disc(如你行緊Vista Ultimate，你有權加小小錢落XP)，但我作為IT界嘅中堅分子，一定要捨易行難 喺道share吓我轉XP嘅過程。

首先你最好Check吓你Notebook間廠有冇齊嘅XP drivers，呢個時候你就會知道買大廠出嘅電腦嘅好處，我部係ThinkPxx所以有齊drivers。因為Intel Chip-set出得怏，XP係上一代OS，所以唔會support咁新嘅hardware (就算有SP3部冇幫助)，即是話你放隻XP CD去boot都冇用。我就用咗一個software叫NLiteOS 先放d新drivers去隻舊XP然後再燒番隻新XP碟嚟Install。我就放咗Intel Matrix Storage Management (IMSM) Driver, LAN Driver同SP3。IMSM喺必要，因為有佢先可以控制HD，其他driver可以裝完個OS再慢慢逐一裝上去，記住唔好太貪心用NLiteOS加哂所有Drivers落去，我試過但整出嚟隻碟Boot唔起！仲有，我係assume你有另一部上到網同燒到碟嘅電腦同埋一隻正版XP碟啦。就喺咁簡單啦，我而家部機好爽呀！當然仲有好多種方法downgrade，呢個係我個人嚟講比較直接。有人問我隻HD喺乜，咪就係WD Scorpio Black 囉。

厠所文章? 同學門加油！

比心機、你得嘅！

最近你到九樓及十樓男、女厠所時，會見到洗手盆鏡上的標語及厠格D爛gag。我嘅動機喺乜呢？唔通想防礙你地做神聖的大、小二事？

厠所喺一個好私人嘅空間，你喺會自己解決只有自己先可以解決嘅問題(特殊癖好除外)，呢個空間可以比你一個人冷靜一下，洗個臉後清醒一下，想一想未來的三、五年想走一條怎樣的路。所以咪利用呢個機會同大家互勉一下囉！

D格言我喺由一本書引用出來，對我哋同學應該合適，我喺呢道再重覆一次，比冇機會嚟欣賞我哋個厠所D朋友都可以分享一吓。

The person who doesn’t make mistakes is unlikely to make anything.

Winning isn’t everything, but wanting to win is.

If you get stuck, draw with a different pen.

同學們，無論你喺讀緊Year 1或2，都要比心機讀好D書，攞個好成績，咁樣升間好嘅大學機會都會大D。記著，你地今日嘅所做嘅一切，就喺決定你未來三到七年行條乜嘢嘅路:懶惰的話，你未來條路一定會喺崎嶇及辛苦架！！！！

老闆眼中的卓越員工(To be a good employee)

好多同學都會好快會投身社會，發展事業，怎樣可以在職場得心應手呢？

態度至為重要：

1. 敬業樂業
2. 肯承擔
3. 聰明才智
4. 積極進取
5. 適應能力
6. 創造力
7. 誠信可靠
8. 承受壓力能力
9. 思考力
10. 責任感
11. EQ 心理成熟度
12. 行業專門才能

以上其實都可以應用於在學的同學們，以上12項，你們的分數是多少呢？同事們，我們頂頭都有個老闆，我地以上12項的分數又如何呢？

學英語難嗎?

自己都算喺跟著internet長大，由以前纯文字到現在的多媒體化，都算見証咗一個新媒介的誕生及發展。喺呢個新媒介，孕育左好多奇人，馬雲喺其中我欣賞的一位，佢其貌不揚但台上演講果種攝力喺驚人，有幸佢未成名時同佢倾過吓。

点解講學英文又會扯上互聯網、馬雲去呢？馬雲現在說得一口流利英語，你知道佢喺點樣學返嚟？馬雲說: 「我每天到酒店的門前等，看見外國人就自動請纓當導遊，我為他們介绍杭州，他們教我英語。我一直這樣做，連續九年，從未間斷過一天。」

學外語是沒有捷踁的，老生常談的一句: 要多聽，多說，多寫加決心。同學可以先由「多聽」入手，找一些自己喜歡的外國電視戲集DVD來看，試聽英文對白而不看字幕，再看另一次時才看英文字幕並要take notes如生字或句子等。動作多或科幻類型的戲集的英文是較淺，例如Heroes, 24等，戲情或人物複雜的可以等進步咗先睇，如The West Wing等。當然聽/看英文新聞是最好啦，其實學外語是要時間的，一日唔敢開始，就一日唔會有進步，同學可以先由「聽」開始，當開始有進步，你自自然然會想多說、多寫。

馬雲上星期到港大講talk，沒有機會去聽，希望下一次再有機會睇吓佢D演講能力有冇退步！有関馬雲在港大的talk。為什麽沒有video archive嘅？？