別做「好人主管」 No more Mr. Nice Guy!

分享一篇文章：

父母師長教我們要做好人，但原來好人顧慮周全，為令身邊的人感到愉快，較易累積壓力。其實人有兩面，沒有永遠的好或壞，問題在於，在甚麼人或情況下做「好人」。

職場中，我們經常希望有個好人當老闆、上司甚至是下屬。但原來一個好人，未必是一個好主管。因為「好人主管」的其中一個特色，是無法嚴厲要求下屬工作，長此下去，下屬不會有進步，一旦被調往別的地方或轉工，就很易被嫌工作能力差。

甚至可以說，「好人」是當不到主管的。因為「好人主管」既不想令下屬討厭自己，又不敢開罪上司，行為變得矛盾，最後無法取得任何人的信任，只會被下屬看不起，被上司忽視，成為「夾心餅」。

所以，要成為一個好主管，需明白要時忠時奸，要有自己的立場和看法，對男女下屬不偏不倚，重視關係爭取共鳴，多於在乎自己是否夠好人。

~ 摘自經濟日報2009年9月17日

當專業遇上商業 (Information Asymmetry)

錢錢錢

人老咗，接觸醫療服務多咗，無論公家或私家都有好多令人氣結事件。首先講私家，身邊好多人都試過比牙醫叫脫智慧齒，d智慧齒會唔會日後影响你，真係好難講，但肯定嘅就係手術費唔平，閒閒地每隻要千幾二千蚊架，遇到有醫德嘅就會中肯d講，不過，似乎睇黎遇到呢d好醫生嘅機會係微；我都試過比牙醫二話不說做咗d冇必要嘅operation；我屋企人都試過比d缺德醫生叫做d冇必要嘅invasive tests，花了金錢都算，最慘就係老人家要入醫院、又要局部麻醉。做test好多時都係灰色地帶，醫生梗話做多d測試會睇到多d野，點解我知d tests係多餘呢？因為我之後(唉)問另外一個醫生，佢似畢業冇幾耐，講完d症狀比佢聽，佢都估到8、9成，唔駛做乜testing，果個醫生仲話係教會醫生添，我問佢野時仲顯得非常之不耐煩！我樓下個屋村醫生睇症(傷風感冒)唔駛一分鐘，但係又排哂長龍，吹漲。咁政府又點呢，我屋企人都試過睇過所謂Consultant醫生，態度麻麻之餘(可以用串黎形容)，佢都係做咗好多invasive tests結果又inconclusive喎，事後我攞d results(影印收幾蚊一張)又問另外一個私家醫生，佢憑個d資料都診斷到個症喺無事，你話啦！每個月收十幾萬，又無態度，專業知識又欠缺！

私家醫生好多時都係老闆，一定會maximize profits，有小小醫得嘅咪猛叫你做tests咯，冇醫得嘅咪話你個病唔攪手尾長，要入院做多d復雜嘅test或做手術囉，賺多d。政府嘅就一日做特定咁多case，多case咪密d手，case少咪抖下囉。點解有咁嘅現象，醫生、律師…etc.可以收咁貴你又冇聲出？因為Information Asymmetry囉，佢地(醫生、律師)有一d information你係冇嘅，係個transaction裡面，佢地咪可以開天殺價而你又要乖乖地比$囉。所以Information is Power! 作為消費者，要勤力d睇多d資料，而家有互聯網就方便好多，最緊要有2nd opinion甚至3rd opinion。其實咁諗法，風水師都冇乜分別，總之要攪到好高深、玄妙，先可以收得貴。我相信呢d專業好快會有翻天覆地嘅改變，隨住互聯網嘅流行，information 一定會shift番多d去consumer道，可能未來有d social network專for professionals，靠referrals揾食。

由鼎泰豐到做野嘅態度

滷水牛展

牛肉麵

小籠包

清炒菜心

菜肉包

toothpicks

一個月總有一、兩次行吓尖咀，如果6點食飯都會去鼎泰豐(7點去起碼要等半個鐘)，我總會叫小籠包、炒飯或牛肉麵，每一次嘅水準都好好，連簡單嘅炒菜心都唔會炒得老，支支菜心都咁上下大細，明顯有揀同洗過。今晚就叫咗d另類野，牛展就冇王加沙咁香同咁「臨」，菜肉包都唔夠香，個包d麵粉差啦，冇乜彈性。

點解講食又関做野態度事嘅？你去鼎泰豐就知乜叫做服務態度，侍應、知客、厠所啊姐都好有礼貌。去餐廳一睇個厠所就知老闆的細心，唔細心點會有好野呢？佢地個廁所成日抹，所以好乾淨，冇積冇味，點解台灣人做得到香港人做唔到呢？佢地對侍應嘅training都好，我地嘅茶壺未乾塘已經有人黎加熱水，未舉手已經有人過黎，當然可能因為非繁忙時間嘅關係啦，。態度決定一切！所以鼎泰豐全世界愈開愈多分店咯！！做人、讀書、做事都係一樣，態度就是一切！好多時成績差的同學都唔係因為IQ問題，佢地個個都係醒目仔女，咪就係態度問題囉！學習態度、處事態度、做人態度…一切一切，我觀察到好多時呢d壞習慣都係由細累積起黎，唔係話兩年大專生活可以輕易改變到，改到嘅，前路嘅選揀咪多d咯。好得意架，有時喺街道遇到呢d舊生，明明見到都會掂行掂過，甚致揾路走，好似遇到殺父仇人咁，哈！我係會鬧人，尤其是對d態度差嘅學生，其實我豆份人工，落堂咪走囉，駛乜咁勞氣呢？！我只不過係緊張，希望可以閙醒一下佢地，所謂「少壯不努力，老大徒傷悲」啊！但我其實都係囉梭吓啫，對事又唔對人嘅，加上我都係最多講兩、三次就算。最近網上遇番一d成績麻麻嘅學生，佢地話有d後悔，當初唔勤力，宜家無出路，話我閙得唔夠力水！:-)   同佢地傾下都知道佢正努力改變自己，尋找目標。都好呀，雖然遲咗d啫，但始終醒咗呀！好，我要繼續「閙爆」！！

“Star Trek – the Future Begins” – 領袖論

做領袖的條件

係英國讀書太多時間，可以追電視劇，作為SciFi迷，星空奇遇記StarTrek就一定唔會放過，無論黑白片或者The Next Generation都追過，好想試下個Transporter周圍去，或者玩下個Holodeck。最近好多戲拍到冇得再拍，要玩前傳，呢套StarTrek都係，講番d經典人物如Spock, Scotty, Solo, Kirk等嘅出生事蹟，如果你追開StarTrek你會有親切感多d。故事集中講Spock同Kirk，基本上兩個嘅性格係火星撞地球，Spock一切以理性、邏輯作決定，Kirk得鋪牛力，一切靠直覺去做事，但係最終都要兩個人同心合力先可以解決困難，之後仲成為最佳拍擋，揸住架Enterprise太空船周圍去，但係最後係由Kirk做船長，Spock做副手，一架太空船有幾千條人命，你會唔會揾個靠直覺嘅人做舵手？其實好多管理大師都認為一間公司要有健康嘅發展，管理層應該要來自不同嘅背景，有不同嘅思維同聲音先可以應付現今咁復雜多变嘅商業環境，但係好多公司高層都喜歡請番同自已同声同氣嘅人，試問有幾多領導人會有氣量去容納相反的意見呢？結果公司產生好多應聲虫、Yes Man咁，大公司常常有呢d問題，有胸襟嘅領導人係世界稀有架！

講番套戲，我知導演想吸引d後生觀衆，用好多special effects, 但係唔睇d effects，其實好似”Top Gun”啫。佢又好似Angels and Demons咁玩黑洞，話有就有……

窮小子浸鹹水?

王澤基

中文大學四十週年攪左個talk，請返一d舊生分享一下成功經驗，其中一位舊生王澤基，我喺一本雜誌讀到佢嘅一個詳細訪問，幾有趣，分享一下。

37歲嘅佢而家係一間國際大投資銀行董事，家住豪宅，四個人有三個廁所。佢嘅出生係好typical嘅奮鬥故事：七歲由內地移民香港，語言不通比人白眼，家窮六口要住100呎天台屋，放假要做勞力工作幫補家計，喺荃官會考攞7A入中大暫取生讀電子工程。

當年的大學四年制，一般學生修讀約120個學分畢業，王澤基佢讀足230個，幾乎是別人的兩倍。他一臉認真地說：「我知現在很多大學生說讀書無用，但我告訴你，你覺得知識無用只因你學得不夠深。」

畢業後得到獎學金去MIT或Oxford讀工程碩士MPhil.，佢當時女朋友正在法國讀書(現是王太)，因為想接近多d，所以揀左去英國牛津，去到牛津發覺電腦設備好差(牛津理工科係差d)，轉軚讀經濟，由簡單嘅Supply & Demand Curve唔明到四年後攞到經濟學博士，畢業之後英國高盛請佢做Rocket Scientist (計量金融師), 負責寫程式，年薪15萬美元，06年返香港出任瑞銀執行董事，短短9年便升至行政總裁。

節錄一下王澤基對學習、工作及管理的智慧：

「在社會工作，懂得學習最緊要。你有本事將一樣知識從零學好，別人不願做的你也肯做，便成功在望。」

他說現在的年輕人比他那一代有本事，但自視過高 ，工作時嫌這嫌那。他經常為其工作的投資銀行進行招聘面試，一次，他問一個電腦系的畢業生是否懂得寫某類程式，畢業生反問寫程式這種皮毛工作不是有較低級的人做嗎？面試尾聲，畢業生問他一個MD的工作包括甚麽，他說：「我寫程式。」結果，這名志向宏大的電腦系畢業生當然沒有獲聘。

… 一位公司高層、領袖，要比任何人都刻苦耐勞。「領袖有3種： by Authority，by Inspiration, by Example。」佢信奉Leadership by Example。

王澤基不會因為放不下身段而拒絕做任何工作，因為他認為下屬心悅誠服跟隨你做事，「要令下屬覺得I’m proud to be in your team, 領袖必須身先士卒。」

… 「要得到同事的尊重，比升職加薪難很多很多，只坐在大班房涼冷氣的領袖最易發出不合情理的命令。」

王的轉捩點是得到羅德獎學金“Rhodes Scholarship”一百萬去牛津讀博士，前美國國務卿Rice同前美國總统Clinton都係Rhodes Scholar !評審甄選過程十艱苦，攞到真係除咗要讀書勁，仲要有廣闊嘅知識及視野，同好好的溝通能力，你成績有GPA有3.75(out of 4)或以上，可以試下，deadline 10月30日，詳情here。

王如果冇呢個Scholarship，今天的命運一定會改寫，我雖然細個時冇話好似佢咁窮要住天台屋，但係住公屋嘅我絕對沒可能會可以去到外國讀書，更何況讀博士做研究！我都要多謝Croucher Foundation比個Scholarship我完成學業！呢個獎學金都好難攞架，以前有好多勁人攞過，我係最C果個 總之感恩啦！

同學們，只要你努力，幹出好成績，呢個世界有好多有心人會幫你架！

Company Visit – HKBN香港寬頻

香港寬頻，唔駛頭痕

讀書同教書都唔應該閉門做車，所以我盡量都會揾d香港做得好嘅公司，帶同學去見識一吓。香港被稱為亞洲電訊樞紐，我就諗不如去參觀ISP或Data Center，城市電訊其下嘅香港寬頻喺葵涌嘅中心參觀，首先由Justin同Calvin喺會議室講解一下香港寬頻點樣利用Optical Fiber提供穩定及高速嘅Internet服務比用户，最精彩係重温以前CTI到而家嘅電視廣告，可見CTI係一間有活力嘅公司，跟著我地就去參觀Network Operation Center，成個軍事基地咁，佢地7×24咁監控住個網絡，最後我地去咗參觀bbTV，同學都玩得好開心。

每一間公司都知道Branding嘅重要，亦會花好多資源攪好公司嘅形像，其實公司要提昇image，最容易忽略就係The First Contact Point(TFCP)，顧客對你間公司嘅像好多時由TFCP決定，根深蒂固，香港寬頻比我個印象非常好，由初初電郵聯絡到當日嘅安排，負責人Justin同Calvin都非常細心，我地對呢間公司嘅印像自然提高不少，真係要讚吓主席Ricky，我接觸個不少公司，好多時都會佢絕學校參觀，但Ricky明白到社會責任及TFCP的重要性。我留意到佢地辨公室嘅椅都係比一般Office Chair舒適(同昂貴)，周圍環境有d畫點綴一下硬崩崩的設備，亦知道公司安排導師替員工上課，幫佢地完成學位課程，員工做得開心，對客自然開心！但香港有幾多老闆做得到？ATV冇Ricky改革係損失。

A new specie of pest – Mercury Cockroach 新品種害蟲：水銀曱甴

水銀曱甴

我發現新品種嘅害蟲，我稱之為「水銀曱甴」，和不同朋友談話之中，得知他們亦都有發現「它」的踪影，唔通它們正已經用驚人速度繁殖？準備侵略人類？

究竟呢個新品種有乜嘢特性呢？首先大家都知道曱甴嘅特性，佢地生命力極強，只需好少食物就可以生存好耐，就算冇食糧都可以生存一個月或以上，適應力特強，所以地球上任何角落都有佢地嘅踪影，有人甚至說如果核戰令人類死光，曱甴都會生存；咁水銀特性又係點呢？水銀正式學名汞，化學符号Hg，水銀毒性高，一經接觸可以損害腦及肝，長久接觸會將毒素積聚在體內致死，水銀通常係液態，所以可以無孔不入。

究竟係邊道會遇到「水銀曱甴」呢？就係大大小小不同嘅機構，佢地會好似水銀咁流去每一個裂縫，無論一個裂縫可不可以攻破，它們都會盡一切能力毒害人類，包括講大話、搬弄事非、語無論次、顛倒黑白、插人背脊、切人生豬肉、歇斯底里、散播謠言…慘被毒害的人腦部都會受損害，甚至心、肝、脾、肺、腎都會出現勞損，扁扁佢地生命力最強，永遠在機構中生存得最耐，趕極都唔走，打不死，就算機構比佢地拖垮，佢地都可似悠悠然到另外一個機構，繼續發揮毒性。機構好多時都知道它們的存在，但又往往坐以待斃，何解？

你工作嘅機構有冇「水銀曱甴」呀？如有，你地有乜方法對付？

Save our Planet!

Pilot V-Board green whiteboard marker

教書成日要用白板筆寫野，好快用完一支，用完一支就要棄掉，好哂料，因為成支膠做嘅，成日諗有冇d可以refill架？Pilot 終於出左啦！Miss Wong Wong幫我地訂左每人一支，so far so good wor! 咁我地office以後買refill墨水就可以啦，為環保出一分綿力。

打工三個層次 3 levels of work attitude

讀過報紙一篇文章:

…打工有三個層次：

最低的是收了人工，把工作做完。

中間的是做完工作，才講人工，即不去計較。

最高的是用心把工作做好，不管別人說甚麼，不管老闆怎麽看自己。

咁讀書有冇三個層次呢？

Management Wisdom 管理智慧

我都算係一個小管理人, 所以一有時間我會睇吓管理書充實自己。眾多管理大師之中，Peter Drucker係大師之中嘅大師，我一需要明燈時，我會攞佢d書出嚟番睇一吓，最近工作遇上好多需要明燈嘅時候，有幾句精警嘢，同大家分享一吓：

Efficiency is doing better what is already being done.

Management is doing things right, leadership is doing the right things.

Rank does not confer privilege or give power. It imposes responsibility.

The most important thing in communication is hearing what isn’t said.

聽落好簡單，執行易嗎？