School Talk – 東華三院 黃笏南中學

黄笏南中學昇學講座

好快又一個新學年，另一批學生將會面對兩個公開試。今年我地比往年早去東華網絡講Talk，今日下午我地一班人，包括PR、士提芬劉、Wing蔡同我就去咗九龍塘黄笏南中學介紹我地比佢地認識，佢地由於係東華大家庭，成功取錄會有一萬(PAD)或二萬(AD)大元獎助學金！而家讀書讀得好，真係好多途徑有資助。我都講咗我Facebook佢地知，方便日後查詢昇學事誼。

多謝黃笏南薜老師安排。

有質素的教育是需要長期投資的

山東街校園冠名

攪教育冇投放資源係絕對唔會有quality的，今日參加咗一個簡單而隆重嘅典禮，有兩位善長損左千幾萬比我地，校方為報答佢地，將山東街校舍的「雙子塔」給予冠名，以表答謝。希望繼續有多d有心人支持我地教育的工作！

默默地工作

展板設計

一年一度嘅開放日又開始啦，今年學生事務處邀請左我地ITDD嘅學生設計咗3塊展板，雖然每塊板得果五十蚊budget同埋幾日嘅時間，同學都好認真花唔少心機去做，唔好以為好易做呀，我都幫左手個幾鐘，每個圖都係用雙手逐塊剪出黎逐塊貼上去！其實有好多人都唔知我地school嘅學生係學校忠實粉絲，有乜要support都會見到我地school嘅學生積極參如，不過可能因為我地ITDD嘅學生特質係做背後的女人，不計籌勞，所以無乜人知啫！今次我就要影d相去表揚下佢地！Well done！

PS: 提議下次再做d咁嘅嘢之前揾我傾下先，我應該有d方法去做快d。

On Radio again (2)! 再去電台做嘉賓(二)

主持及嘉賓合照

由今個星期期開始連續三個星期同一位嘉賓Wendy講吓Social Networking，例如Facebook, Twitter等，Wendy係Airgini嘅創辨人，之前我提過嘅佢地攪嘅Thumbdive，有時間聽下、指教一下。

新城997

電台：新城資訊台 (FM99.7–102.1MHz)
節目: 知識迎人

日期、時間：23, 30 June + 7 July 2009, 8:00-8:30pm

新城訪問 23June09 錄音

新城訪問 30June09 錄音

新城訪問 07July09 錄音

沙田區校長會參觀

今日招待左佢地，介紹左我地ITDD School歷界入左U嘅學生，佢地都覺得幾犀利，因為我地部門d畢業生出路好廣，仲有好多同學有多過一個嘅大學offer，最高紀錄係有3間嘅offers！！ 校長同老師都有問Applied Learning 同 OLE嘅問題，希望我地好快就有合作嘅機會啦。

VIPs visiting our School

東華三院高層參觀SIT (9June09)

羅太參觀SIT (2June09)

呢兩個星期都有貴賓參觀我地School，上個星期(2June)羅太黎我地學校參觀，順道到Studio參觀一下，羅太係學校嘅advisor，佢舊同事係我以前中學教過我嘅老師，世界真細小。我簡單介紹左我個School同埋一d同學嘅畢業作品，羅太好有心機聽同問左好多同創意有關嘅問題，希望佢同總部會繼續大力支持我地攪創意科目，始終攪呢d科目需要投資及long-term commitment!

一眾東華高層，包括李三元主席同陳婉珍第四副主席 ，亦喺今個星期(9June)到我地道參觀，我介紹幾位讀產品設計同學嘅畢業作品，李主席好有興趣，仲認為應該嘗試一下申請專利註冊，真正推出市塲試一下，我已經聯絡左呢位同學，希望好快就可以見到佢嘅產品係玩具反斗城有得賣！

社長唔易做 (2008 版)

將軍澳MTR (5Aug08)

沙田火車站 (7Aug08)

一個學年好快結束，收拾一下發現一些舊照片，都係舊年08年暑假去推擴時影嘅，一張喺TKO MTR企booth時影，記得反應嘛嘛，另外一張喺沙田新城市廣場MTR影，記得企一個下奏都有十幾張form；我亦會喺放榜期間派去唔同嘅中學介紹我地嘅課程，上年就去左大嶼山同石硤尾兩間中學，記得反應都係麻麻。唔好以為做社長淨係坐冷氣房，我地都要周圍去拋頭露面架，有時講到口水都乾哂，腳都軟呀。唔知今年暑假又會派去邊度當值呢？

東涌靈糧堂中學 (1Aug08)

中華廠商會中學 (4Aug08)

On Radio again! 再去電台做嘉賓

新城997

上次接受新城邀請去介紹一下我地個school，今次上去係輕鬆咁講下點樣用IT技術去幫電影製作出天馬行空嘅特效，有興趣嘅不妨指教一下，詳情如下：

電台: 新城資訊台 (FM99.7MHz – 102.1MHz)
節目: 知識迎人
日期、時間：9 June and 16 June 2009, 8:00-9:30pm

與主持人Steven及Joanne合照

新城訪問 9June09 錄音
新城訪問 16June09 錄音

東華三院中學畢業禮(2)

馬振玉紀念中學

今曰到馬振玉紀念中學參加佢地嘅畢業典禮(其實去推介中東比佢地)，始終都係家長緊張過d學生。校長好犀利，一眼就認得我！原來佢喺一月聽過我嘅presentation!隔左咁耐都印象深刻，哈哈，証明我present嘅功力已經進入化境啦！

校長同遊老師都好好人，介紹咗學校嘅設施比我地認識，例如有個宿舍比同學住，有成120個宿位，喺中學都算稀有，仲有個好有特式嘅館書館，已經列入左做受保護建築物，校園綠化得好好，好多木棉樹正左散播種子，好似落雪一樣！

由屋企坐巴士去元朗要成80分鐘呀！跟著同Terrence由西鉄站打的去，一來一回要成3個鐘，坐飛機可以飛去日本攞！！ hehe.

東華三院中學畢業禮

畢業啦！

今日去左兩間東華中學參加佢地嘅畢業典禮，下午去喺元朗朗屏嘅盧幹庭中學，夜晚就去上水嘅甲寅年總理中學。同學、家長、老師都好開心，完成人生一個階段啦，我地就介紹我地比佢地認識同解答一d昇學問題。

成個下午同晚上天氣都好侷促，汗流夾背！

3-3-4 研討會

3-3-4 研討會

3-3-4教育改革快殺到埋身，為左比家長了解多d呢個身學制，五月九號星期六我地攪左個seminar，邀請咗不同區域嘅家長會黎聽吓，並且參觀下我地嘅設施。今次主講嘉實係中大訊息工程系黄寶財教授，我喺報紙成日拜讀黃教授嘅文章，佢一直都大力推行善用資訊科技於教學上，佢原來現場present好風趣架！除左解釋新學制，仲比d貼士家長們點樣教仔女讀書，好受家長歡迎！佢話教仔最緊要陪養佢地對讀書嘅興趣，等佢地有自學嘅習慣，佢亦都贊成小朋友要管、要有規矩，黃教授仲講電視、遊戲機及mp3係三大魔頭，我絕對同意！家長應該好好處理呢個問題，好多時個小朋友考到好成績就送部遊戲機比佢，佢無節制咁玩咪害左佢！

飯後同佢傾下，發覺黄教授係一個和藹可親、平易近人嘅人。家長們到我地個studio參觀，我順便介紹下我個school嘅教育理念比佢地聽下，佢地好有共鳴，都好有心機聽仲抄notes添，家長關心兒女前途係好事，事後我仲交換左卡片同Facebook account方便日後聯絡，幾十張卡片就咁派哂，要趕印多d囉

東華三院邱子田記念中學 – 面試日

面談十五分鐘

今日Lunch Time到左屯門邱子田中學同一d同學做面試，之前二月都黎過介紹我地比同學認識，有d親切感。同學面試前都頗緊張，我先同佢地影番幅相舒緩下情緒，其實我會同佢地傾下，唔會好惡去揪稱人。佢地都好有禮貌，亦知道自己想怎樣，亦関心前途。同學如果現左已經有目標，其實已經踏入成功之門，我見過好多「過日神」嘅學生架，我相信邱子田有一班熱心嘅老師，先可以教出一班好學生。有兩位應屆AL學生，已經考左一、兩科，希望你地繼續努力，增取好成績；其餘應屆CE學生，好好利用呢個月嘅時間，唔好打咁多機、上咁多網、睇咁多電視，要盡全力，祝成功！

電台介紹我地 We are on the radio

新城財經台 FM 104

我將會在三月十四日星期六中午12:00-2:00喺新城財經台「增值無限GIG」節目裡面介紹吓我地個school同課程, 大家請留意

與主持人Joanne及Horace合照

新城訪問 14March09 錄音

School Talk – 東華三院 邱金元中學

School talk at 邱金元中學

今日又出動去沙田又一城邱金元中學介紹我個部門比d同學認識，我每次去任何talk之前，有時間嘅話都會update下個presentation,我今次都加多咗一、兩張slide，其實都想幫吓同學，等佢地可以計劃吓將來。

之後PR陳帶我地去咗一間糖水舖潤番吓，校長埋單喎

今站結束咗東華三院中學網巡迴嘅介紹，如果有東華老師、同學、家長想揾我傾吓，留個message比我，我有MSN、Facebook、email…etc.架，祝考試順利！

爛Gag王大賽頒獎

4GB手指頒贈給爛Gag王

恭喜陸思嘉同學，佢個gag經過投票之後同學認為係至爛，啊Pat代表我地School頒贈名貴4GB手指比陸同學。

重温一下陸同學個gag:

點樣可以唔駛俾學生証都入到CUTW？就係講“我黎自德誠”。

歡迎黄大仙區中學校長會

與黃大仙區中學校長會分享會

星期六早上，我地同一批由黄大仙區中學校長會嘅校長及Career Masters分享我地舉辦應用學習課程ApL同OLE嘅經驗，呢個題目引起咗一d討論。跟住就參觀咗我地嘅設施，我帶咗去吔去7樓参觀個Studio順便介紹我個School比佢地認識，佢地都聽到津津有味，派哂我d咭片潻。之後喺我吔嘅Canteen食飯，同一間中學嘅校長及老師同枱，交流咗好多意見，大家同意加強合作，畢竟我地都有相同教育理念同埋面對相同嘅問題。

有位嘉賓有d似李超人大公子啊澤鉅喎…

School Talk – 東華三院 黄笏南 張明添 中學

 

School Talk at 黄笏南中學

今日終於可以食飽先去講talk，Adrian良心發現，請咗我吔去飲茶。今次地點喺九龍塘黄笏南中學，仲有張明潻中學嘅學生。School talk經過咁多次都駕輕就熟啦，不過我今次改咗present嘅風格，冇gags但用咗輕鬆同嚴肅嘅style，同學好留心冇同學訓覺喎，我嘅present功力又升級啦！  

之後同家俊同學做sharing，佢係張明添舊生，而家喺我吔道讀緊PAD，同佢對答好似選港姐咁，又幾夾幾好玩喎。希望佢會有好成績入到心儀嘅學科啦。之後東華同學問咗d問題同攞咗d USB手指，我亦有show呢個blog去解答一d問題。

OLE – Music Card Workshop II

一月十七號星期六，又係我地OLE時間，因為music card workshop受歡嘅關係，今次已經係第二次攪啦，你睇吓啊Pat教佢地幾開心，今次d同學係來自馬錦明慈善基金馬可賓紀念中學，相信佢地過咗一個充實又開心嘅上午！

DIY Music Greeting Card

School Talk – 東華三院邱子田紀念中學

今朝九點幾開會開到一點三，晏又冇得食又即刻跳上車入屯門介紹ITDD，冇法啦，今朝個會係審批我吔School層面所作出嘅學生成績建議。去到就要拿拿臨set up電腦，學生對「飛比」老師同我個present反應都比較大 臨尾Q&A有一G手指送，佢地仲瘋狂啊！我特別印左d卡片比佢地，有哂我嘅聯駱方法，等佢地有升學問題可以問吓我。仲要多謝嘉儀同學之後做咗個sharing。

完左talk之後仲要捱住肚餓捱巴士出九龍，成半個鐘仲喺屯門轉黎轉去，我而家個胃仲唔係好舒服…

邱子田紀念中學

CUHK Experience Day 中文大學體驗日

阿Pat老師今日帶咗d同學仔參觀中文大學工程學院，工作人員好耐心咁示範一吓佢地好好玩嘅IT Project，呢d projects都係中大同學嘅精心傑作，我地嘅同學都好有興趣，跟著就去咗中大圖書舘參觀，同學仔對中大Library印象深刻，圖書舘職員好用心解釋設施及用法，參觀完咗之後，我哋School喺中大就讀緊嘅舊生好有心，同佢地一齊tea吓，順便講吓喺中大嘅生活，share吓佢地當年入中大嘅過程同埋讀書心得，相信佢地過咗一個好充實嘅下午。

我地攪呢個活動喺想比同學親身體驗一下IT同Engineering嘅應用，認識多d，同埋親眼睇下中大嘅優美讀書環境，籍此激勵一下佢地，要攞好成績，以入中大為目標！我地要多謝中大職員作出安排，同埋我地d舊生，咁有heart同師兄妹傾吓前途問題。

如果仲有同學仔有興趣體驗一下中大生活，通知我地拉，我地試下安排多一次。

參觀中文大學工程學院

School Talk – 東華三院郭一葦 盧幹庭中學

東華三院郭一葦中學

今曰朝早十點開會開到一點幾，晏都冇食就即刻坐車入天水郭一葦中學介紹我個School比佢地認識，因為我哋有幾個同事都未食晏，所以就幫襯咗佢哋嘅「擎天」食咗碗什蛋(如圖)，算ok啦，要食辣蛋都係我吔書院附近嘅馳名中外啦！佢地對今次個講座好認真，出動咗校園電視台將過程拍哂，佢地都好pro，成team人有幾部DV同DSLR、walkie啦、panel啦咁。Wu蛇今次攪答問題送獎品，我終於揾到對手啦！

School Talk – 東華三院 黄鳳翎中學

設施優良

今日我哋又浩浩盪盪去咗馬鞍山東華三院黄鳳翎中學介紹我地比佢地認識。校長好客氣咁帶我地參觀下學校，首先去咗校園綜合服務中心，係比d同學喺一個「家」嘅環境下可以同註校社工傾下心事，講吓近況咁，裡面有好多梳化，同學又可以上吓網玩吓board game咁，幾好呀，我吔學校都可以參考一下，跟著去咗English’s Corner，到處都好多英文嘅CD、雜誌、書、教材等，唯獨冇乜電腦，雖然我喺IT人，我有時覺得唔需要為IT而IT嘅，好似佢地咁，用好多實質嘅教材，比用電腦更”warm”啦！學語言其實心理障礙係最大問題，環境warm可以減少呢個心理關卡。下一站就喺令我地垂涎欲滴嘅教員休息室，好大好舒服，教師可以喺道食吓嘢、攤吓、睇吓大電視、休息一下，我地學校絕對要借鏡一下，最好加張Osim潻啦。

個Talk開始，同學都好留心聽，我守尾門所以同佢地warm up先開始介紹我個學院，佢地反應都好好呀，有時我覺得同學嘅反應係取決於你比乜input佢地，有時我又諗而家嘅教育制度究竟係比緊空間又或者壓制緊佢地呢？最鼓舞嘅係有同學舉手發問！！！太感動啊 ，唔記得抄低佢個名潻。跟著家俊同學同佢地分享吓佢喺我地讀左半年嘅感覺同將來想做什麼，家俊都喺東華張明潻畢業嘅，佢講得唔錯架。

Talk完咗之後好多同學都留低問吓升學問題，我都留左呢個blog比佢地，歡迎比個message我，比d升學意見你地，祝考試順利！

TWGHs Wong Fung Ling Secondary School

School Talk – 東華三院 伍若瑜 陳兆民 吳祥川中學

School Talk at 伍若瑜中學

今日我同校長及其他啊頭去咗石蔭嘅東華三院伍若瑜夫人紀念中學，仲有其地東華中學嘅同學參與；佢地d老師同校長都好客氣、好nice，自己人嘛。

在座多數都喺中五學生，同佢地傾過下，佢地對會考都擔心㗎，我同佢地講要有信心同盡力而為，現在有好多條路行，唔駛太擔心。present時同佢地攪吓笑，都幾開心呀。我比咗呢個blog同聯絡方法佢地，有乜升學問題，歡迎聯駱我！

歡迎東華三院鄺鍚坤伉麗中學參觀

今日又有一班中學生嚟我地到參觀，因為都喺屬同一個大家庭，感覺特別親切。介紹咗我地學院嘅特式之後，佢地對個d機械設備同個果綠色Studio都好有興趣知道用途，最後我介紹咗呢個blog比佢地，歡迎聯絡我地，會盡力解答佢地升學嘅疑難。

TWGHs鄺鍚坤中學參觀School of ITDD

歡迎宣道會陳朱素華紀念中學

今朝向一班活力十足既年青人介紹我地個學院，佢地都好有心機聽，畢竟佢地都喺應屆會考生，對前途有D迷茫喺正常嘅，亦相信SWC有一班好有心嘅老師教導咗一班有禮貌嘅學生。我同佢地講而家入大學嘅途徑有好多，只要有正確做人嘅態度，條條大路都通羅馬啦！其實現在大部份嘅年青人係醒目既，只不過有時信心不足，所以喺我個presentation裡面介紹好多我地School畢咗業嘅成功例子，有D畢業時有幾個大學offers，有Ｄ去外國留學，有D自己攪間公司做老闆，其實佢哋入嚟讀時都喺冇乜目標，但喺兩年比我地鞭策之後 ，都脫胎換骨，所以話佢地得，你地都得架！最後我留咗呢個blog比佢地，歡迎佢哋有乜升學問題聯絡我。

宣道會陳朱素華紀念中學參觀