QR Code Teaser – 1 這是什麼〔一〕?

科技改变我哋生活習慣，並帶來好多新事物、新思維及新革命，你都可以成為Google或Apple架，只要有創意！我地就係鼓勵學生左、右腦並用，發揮創意。

照我吧！

用高科技同大家玩個遊戲，上面個圖叫做QR Code，喺曰本好流行，佢原理好似Bar Code咁，用圖像黎儲資料。點玩法呢？右手邊有兩個Java檔，download落你部手機道執行，然後用你部手機對住上面個Code影張大相咁你就知喺已嘢回事，有嘢睇不妨攞架手機上office比我睇吓，最多請你食嘢。(程式在測試階段，但Nokxx手機表現最好)

Choosing your AD programme? 點揀AD課程？

打救衆生

學生常常遇到選科嘅問題，最近有PAD同學都感到好困惑，不如等我分析一下。

你揀得副學士讀，估計你都係想跟著讀大學，入大學都要講策略，最非你係浪漫主義者，唔計較。由AD點樣駁去讀個本地大學學位呢？有以下少少真實個案分享一下：

首先你一定要對果個area有興趣，但係興趣唔係大哂，我見過一個讀其他學院嘅同學阿”K”，佢對一個area好有興趣但係耐何阿”K”佢自已讀極都唔掂，成績唔好，上大學機會都麻麻，碰啱佢個科嘢比較學術性，無個degree係冇乜發圍，揸住個咁學術性嘅AD又對揾工無乜用。同學要記住如果你報non-jupas 入本地政府資助大學讀year 1或2，你係用你AD year 1嘅 term 1+2 嘅cGPA成績去報，如果你PAD個底係弱嘅，現實d講，你估喺AD短短兩個學期你可吾可以脫胎換骨、成績突飛猛進呢？

如果你認為你可以攞到cGPA>3.7，咁你可以依你興趣，挑戰一d熱門科目，你可以去Jupas睇吓各大學上一年收生要求而推斷一下今年邊科會大熱，成日大熱既科目有機會唔收Year 2插班，甚至唔收Year 1 non-Jupas入添，就算收都要過五関斬六將，例如成績要cGPA3.8或3.9、有靚靚profile、勁人嘅推薦信加面試！點樣攞到cGPA >3.7？基本上你要科科攞A！！你有冇信心AD第一年所有科目攞A呢？

假如你嘅信心只係可以到cGPA3.0左右 (3.0左右係入Local 大學不明文嘅入場卷)，入最熱門嘅科目嘅機會就低d啦 ，咁係咪冇計呢？又舉個例子，我地School有位 “J”同學佢對IT同商業都好有興趣，佢亦知道入純商業科在當時嚟講係競爭非常劇烈，你唔好以為佢成績差喎，佢有3.7架，同埋佢都好talk得，啊J諗法係就算比佢入到去都要挑燈夜讀先可以有機會喺top果3份1人裡面，分分鐘要曦牲哂所有社交時間添，”J”覺得大學生活讀書係非常重要，但亦應該要有正常社交活，因為僱主請人都要睇社交、溝通能力，所以佢揀咗中大SEEM讀，直入year 2，SEEM 有3個同商業有關嘅stream: Business Info. System, Financial Engineering  同Logistic & Supply Chain Management，三個streams揀一個總共六科，佢而家嘅成績有望攞第一(1st Hon.)！佢仲有時間參與學生活動，識左好多朋友！呢個策略絕對可以參考！仲有中文大學工程學院收non-Jupas 入讀都算係第一、二多架。

如果你信心只可以攞到cGPA2.0，你嘅選擇就多數係就業，讀書就只能揀一d排名比較低d嘅大學、Top-up degree 或者公開大學 (有d Top-up或公大嘅課程收生要求都高架)。如果你都諗住就業嘅話，你揀AD嘅課程就要揀d有實用性，可以令你有一技傍身，唔好揀d太學術性！我吔有位讀產品設計嘅 “I” 同學，畢業成績都好好，可以入本地大學，但”I”決定出黎創業，成立咗一間產品設計公司，做合伙人，佢嘅產品而家係歐洲同亞洲都有得賣！

(以上資料僅作參考用途，每一位同學背景不同，每年大學收生情况都會改變)

Where do our graduates go? 師兄姐的升學去向？

開枝散葉

每個學年完結前都會做個簡單统計，睇吓我地個School畢業生昇學去向，以往都係用個Excel去顯示出黎，一堆數字，比較沉悶，我地攪design架嗎，梗係要用graphic表示下啦，寶兒同學諗左用棵大樹，幾好呀。

睇番我地短短兩年歷史，有唔少有心機讀書嘅同學都可以繼讀升上大學，本地八間大學都有我地SITDD嘅學生就讀緊 ，佢地分佈於理(包括工程)、文、商、醫不同學院，証明我地school嘅課程夠廣闊，升學範疇及途踁多，我地有部份同學同時有2-3間大學比offer佢地添！！仲有由我地school去中大讀嘅學生今年暑假就學士畢業啦，好期待同佢地係中大個電飯煲前面影畢業相！

喺之前舉辨嘅3-3-4研討會結束之後，有幾位家長同我傾左好耐，雖然佢地嘅小朋友都係初中階段但係幾位媽咪都開始幫小朋友計劃昇學，佢地都想向資訊科技IT發展，因為一來小朋友有興趣，二來佢地覺得IT係未來社會不可缺少的元素，就好似電力同自來水一樣，我同意，你睇吓互聯網點樣改我地嘅生活習慣，如果而家Facebook話收擋，你估會唔會引起暴動？有人估計Facebook市值大概3.7億美元，創辦人阿Mark現年只係25歲！一個小小聯絡感情嘅電腦程式就值咁多錢同埋影嚮咗全地球2億人/用户! 我相信資訊科技會係未來十年(或更長)經濟火車頭之一。

理、文、商、醫

媽咪們仲有一個諗法，當普遍家長認為仔女一定要讀商科，佢地就認為應該要陪養子女對科技嘅及創作興趣，原因一:科技推動人類、社會發展，原因二:理科係一科專業，若要轉去商係好易，例如讀個MBA(或累積實際經驗)，但由商轉理科或工程科就難好多咯，加上好多理、工科課程都已經有商業課目選修，咁我又問財務同會計學咁吃香，點解又唔鼓勵佢地向呢方面發展呢？佢地話呢兩科可以通過短期課程同考專業公開試入行，況且做財務嘅好多都係工程或理科畢業，因為佢地d數學底子好。呢幾位真係非一般嘅家長，當人人都買股票，佢地就一定係cash in離場果批人攞，言談中佢地強調好多次要以仔女嘅興趣為第一！真係心水清同開明嘅家長。

KWH Time Lapse Project

廣華医院喺1911年成立，服務香港差不多100年，係東華三院一位重要成員，由於要應付市民未來對医療服務的需要，廣華醫院將會分階段擴建及重建，2011年尾會清拆南翼(Phase I), 2014年尾會清拆東與北翼，為咗要保留呢個咁有歷史價值的建築羣，東華三院想揾我地幫手睇下點樣用科技+創意去保存呢片香港人嘅歷史(馬英九總统都喺廣華醫院出世)。

以下是我初步想法，歡迎提出意見。

保存一個建築物拆建的影像，我覺得用Time Lapse最好，一個好例子如下：

要影得好，首要絛件是location location location! 1)要有安全及易進入的地方長期放置相機,並要有電源，最好是一個室內地方並有網絡設施，2)最好可以清楚鳥腑KWH，同時唔可以太背光或對光。

我借助科技先做一個virtual location scouting。先從中原地圖睇一睇個平面地圖:

KWH平面地圖(中原地圖)

2D平面地圖不能顯示附近大廈双對高低的比例，咁就要借助3D地圖幫手：

廣華(e電城)

廣華(Google Earth's view)

首先試下由20/F影出去，似乎比何文田山豪宅佔了景觀，可惜，如果可以借其中一間別墅試下就好啦 ！

由20/F影向廣華(4pm影)

KWH的北面及西面都是商業樓宇及私人單位，如果排除租用的可能性，只有幾個可以有機會「講人情」在東面的locations:

 

 

• 羅裕積小學：被護士宿舍及行政大樓包圍，只有數層樓高，只能紀錄兩所大樓並要用廣角鏡。
• 九龍華仁中學：對正東翼及南翼，但地勢不夠高且比較遠，要用Tele影。
• 真光女書院或安素堂: 偏向護士宿舍，真光地勢較高，同樣要用Tele鏡影。可以一試。

用廣華以東的角度去影番KWH，唔好處係東及南翼佔了相片的很大扁幅，後面的工程是拍攝不到。最理想就係用KWH西或北面去影，如柏裕商業大廈、兆萬中心、潮流特區或登打士街及通菜街/花園街高處影落去呢？雖然光源冇咁靚但可以一幅過，比較impressive。咁有意義的project，旺角區議會可唔可以幫手同各大廈業主立案法團傾下，比我地用下天台呢？又或者謷察放咗d天眼喺旺角，有冇d好嘅location可以搭單呢?又或者朗豪坊用支勁Tele影過黎呢(cost高)？如果以上都行唔通，咁就要分開影，冇咁impressive，例如由Staff Quarter (可惜較矮)及徐展堂近家樂坊。要同d老總傾吓先，實地考察少不了！

“Astro Boy” the Movie

小飛俠電影

阿童木係日本國寶漫畫家手塚治虫筆下嘅一個角式，由於佢已經喺日本家傳户曉，所以當宣佈話有人想將佢搬上大銀幕，仲係話香港公司添，真係汗顏！今晚一於去撑場。去左老遠嘅MegaBox UA睇，間戲院相比圓方真係差d，座位唔夠寬躺，又要岳高個頭睇。套戲個故事比較簡單悶，但又唔見得小朋友睇得好開心喎，隔離個靚仔都訓咗。一路睇，腦海都浮現Pixar嘅 “The Incredibles (超人特工隊)”, “Wall-E” 同Blue Sky Studio嘅”Robots“，先入為主都好緊要架，我相信佢地亦都參考過呢幾部戲。雖然呢部戲已經揾咗荷李活嘅人黎寫故事，但始終Pixar嘅說故事能力喺勝一籌，裡面啲gag都比較爛，可能我睇廣東話版，城城同個細路配音唔夠感情。一套戲如果好睇，其實觀眾唔應該有時間去留意CG技術…阿童木同其他角式略嫌欠缺面部表情，其他都有水準… 呢套戲係香港公司攪嘅，要support吓！

負責製作阿童木呢間本地公司Imagi都幾傳奇，掹車邊咁同我都有dd淵源，下次再講。

“District 9″ the Movie

D9

有時聽人講話懷才不遇，遇唔到伯樂，但自從有咗Youtube之後，曝光機會多咗好多，例如有d創作歌手自彈自唱拍咗條video放上YouTube，好快有星探簽約出唱片。D9呢套戲嘅導演Neill Blomkamp就係拍左條短片放喺YouTube道，比電影公司Sony睇中咗條蹺就揾埋Peter Jackson(魔界、KingKong導演)做監製拍D9。套戲借外星人難民為題，用pseudo-documentary手法，講人性嘅黑暗面，值得一睇。

如有時間睇下Neill原本放係YouTube條片”Alive in Joburg“, 睇吓點解咁勁揪連Sony都買佢版權！Neill係98年讀完個3D Animation & Special Effects短期課程，Youtube有佢Final Year Project條reel喎！值得睇吓。同學要比心機，有創意嘅話，機會比以前多好多，積極參加下比賽，吸收下經驗都有用架。PS: Neill負責拍”Halo”，已經有trailers啦，聽講話有版權紛爭，唔知幾時上映。

On Radio 「知識迎人」

最近熱烘烘嘅科技話題一定係高錕教授因為發明光纖通訊而獲得Nobel Prize, 簡單d講，冇光纖就唔會有寬頻上網，當時通訊係靠電子在導電體(如铜線)中傳送，高教授估計到將來資訴爆堋，要用光先可負載到咁多資訊，真有遠見。牛津大學最近公佈咗個寬頻質素調查，香港有99%家庭有寬頻上網，仲勁過南韓(97%)同日本(64%)! 但唔好開心住，香港嘅寬頻質素只得33分，距離最高嘅85分(日本長崎市)好遠！所以今集(20 Oct)會講吓光纖原理同呢個調查佈告。

新城997

我教咗Multimedia都好多年，有幾位出色嘅學生特別記得，其中對「桂濱」同學個印象特別深刻，佢04年成立咗間動畫公司Many Many，而家攪得有声有色，最近佢地幫McDull電影做3D動畫，呢兩集(27 Oct. + 3 Nov)會同桂濱傾吓佢創業嘅歷程同未來香港動畫發展方向。留意、留意！

電台：新城資訊台 (FM99.7–102.1MHz)

節目: 知識迎人

日期、時間： 20+27 Oct, 3 Nov  2009, 8:15-8:30pm

與桂濱大合照

新城訪問 20Oct09 錄音

太遲 ‧ 太早

高錕、奧巴馬、諾貝爾

我上ITMA堂都花咗d時間講吓光纖同應用，當時冇乜學生識邊個係「光纖之父」，更加唔知佢87至96年間曾經係中大校長。如果冇咗光纖，都唔知會係一個乜野嘅世界，試諗吓，冇寬頻，冇YouTube… 我d學生一定會叫救命！如今高錕得到呢個殊榮，係實至名歸！不過最近睇新聞知道佢患上老人癡呆症，唔記得自己嘅偉大發明，睇到段片真係有d心傷… 個獎如果早d比佢，你話會幾好呢？我又記得中大學生曾經強烈抗議佢獲北京委任為港事顧問，打斷佢演講、搶佢支咪同當眾鬧佢，難得嘅係高校長冇嬲，呢d學生，呢幾日有乜感想呢？香港其實都有好多重量級科技人才，但佢地好似無被好好「利用」，皆因港府沒有科研政策，長期側重金融地產，香港淨靠食老本遲早完！

另一邊廂，諾貝爾和平獎剛宣佈由美國現任總统奧巴馬獲得，諾貝爾獎係需要幾個月提名時間，即是話佢上任十幾日就被提名，冇成績可言喎！Obama真係咁charming? 無可否認佢演說技巧一流，但佢以乎到宜家都未做到有乜野成績，呢d係咪叫時來運到呢？

別做「好人主管」

分享一篇文章：

父母師長教我們要做好人，但原來好人顧慮周全，為令身邊的人感到愉快，較易累積壓力。其實人有兩面，沒有永遠的好或壞，問題在於，在甚麼人或情況下做「好人」。

職場中，我們經常希望有個好人當老闆、上司甚至是下屬。但原來一個好人，未必是一個好主管。因為「好人主管」的其中一個特色，是無法嚴厲要求下屬工作，長此下去，下屬不會有進步，一旦被調往別的地方或轉工，就很易被嫌工作能力差。

甚至可以說，「好人」是當不到主管的。因為「好人主管」既不想令下屬討厭自己，又不敢開罪上司，行為變得矛盾，最後無法取得任何人的信任，只會被下屬看不起，被上司忽視，成為「夾心餅」。

所以，要成為一個好主管，需明白要時忠時奸，要有自己的立場和看法，對男女下屬不偏不倚，重視關係爭取共鳴，多於在乎自己是否夠好人。

~ 摘自經濟日報2009年9月17日

小小東西，多多用途

芝蔴樽

今日食晏，去咗一間手打烏冬，枱面見到呢個樽，好鬼得意，佢係要黎磨d芝蔴落d嘢道，我唔知點解芝蔴咁細都要磨，同埋磨完之後d芝蔴瀋落d烏冬道、或是d飯送道呢？真係要問下人正確嘅用法咯。

what does it do?

跟著去咗行下無印Muji，買咗個咁嘅野，你估下有乜用途？

其實身邊有好多野好得意，值得細心留意，如果你係讀product design就更加要啦！

“The Founding of a Republic” Movie

建國大業

今日十月一日係國慶六十週年，去咗睇呢套cast好大嘅戲，粒粒巨星，香港明星有劉德華、成龍、黎明、甄子丹 。故事人物好多，有時有d亂，套戲都拍得幾大方，冇話採得KMT好盡；不過我就想睇多d毛澤東點解咁勁秋打到蔣介石去台灣，不如拍套戰爭片講中國內戰呀？

套戲成兩個幾鐘頭長，算係上咗課中國近代史堂，點解我果陣時中學冇講近代史架！希望而家中學課程有啦！同d學生傾偈，發覺好大部份都十分唔想畢業後返內地做工作，唔知點解仲有d咁嘅諗法，老實講，而家你想去內地都未必有得去，因為香港人嘅優勢愈來愈小。就算呢一代唔去，下一代都會，畢竟香港太細，乜野都好成熟，比內地，發展有限，記住香港只是中國沿岸的一個小城市，要多多認講祖國！

小插曲:散場人多，帶位員叫觀眾到戲院前面一出口離開，大部份觀眾都好有秩序咁排隊離開，但有一對操不流利廣東話嘅中年夫婦(可能係遊客)高聲跟年青帶位員理論，話點解唔可以由番入口離開，又話乜防火條例…年青帶位員真慘，其實好多戲院都係咁疏導人羣架啦。呢D可能就係文化差異！

On Radio 「知識迎人」

最近有套新戲「偽能叛變」，用機器人做題材，商場又擺左個仿真機械人出黎，所以今三集會講下機械人，人功智能及未來發展及應用方向。

新城997

電台：新城資訊台 (FM99.7–102.1MHz)

節目: 知識迎人

日期、時間： 29 Sept, 6+13 Oct  2009, 8:15-8:30pm

新城訪問 29Sept09 錄音

新城訪問 06Oct09 錄音

新城訪問 13Oct09 錄音

Sony TX-1 測試(二): 全景圖Panorama

我第一次接觸全景圖係97年嘅事，當時個技術叫QTVR，要影好大陣象，用菲林SLR加支廣角鏡，仲要用一個特製的Pan Head放係支腳架道，360度一轉咁影好多幅重叠嘅相，跟住要用個Film Scanner將底片scan入電腦，再用Mac機個program將d相stitch埋一齊，閒閒地要stitch成半個鐘，setting唔啱要重新stitch過！

而家科技進步，TX-1只要向上下左右任何一個方向拍一個短片，粒處理器就好快咁計幅panorama出黎，睇吓以下三幅測試，效果唔錯，影風景同團體相都好玩。

全景圖測試(一)

全景圖測試(二)

全景圖測試(三)

School Talk – 東華三院 黃笏南中學

黄笏南中學昇學講座

好快又一個新學年，另一批學生將會面對兩個公開試。今年我地比往年早去東華網絡講Talk，今日下午我地一班人，包括PR、士提芬劉、Wing蔡同我就去咗九龍塘黄笏南中學介紹我地比佢地認識，佢地由於係東華大家庭，成功取錄會有一萬(PAD)或二萬(AD)大元獎助學金！而家讀書讀得好，真係好多途徑有資助。我都講咗我Facebook佢地知，方便日後查詢昇學事誼。

多謝黃笏南薜老師安排。

Sony TX-1 測試(一): 微距及low light表現

CyberShot TX-1

我係潮人 ，最鍾意試新野，咁啱最近開學，有好多人問有乜新DC出，於是利用一吓關係，問Sony借左部新出嘅型機TX-1測試一下，首先要好多謝Sony HK嘅Cecilia幫忙安排。

點解我對呢部機有興趣呢？除咗話外觀之外，係因為佢粒Sensor “Exmor R“，我好多時影相鍾意用natural light,唔鍾意用閃光咁硬，呢粒Exmor R有新設計，增加感光度。睇下我影幅相，用咗TX-1個”手持夜景模式”自動連續影6幅，粒BIONZ處理器會好似影HRD相咁，「計」張相出來，以DC黎講表現已經好好，當然太黑一定要落tripod啦。

DC對我好重要，我一定隨身攜帶，遇到新奇事物都會影低同朋友、學生分享一吓，所以微距功能好重要，睇下我兩幅相，都係low-light同幾cm之內影嘅，收貨啦！讀product design嘅同學成日要影reference就最啱用。

下一次再講TX-1嘅其他過引功能啦。

手持夜景模式: bike

微距效果: mouse

手持夜景模式效果: polyu

手持夜景模式效果: minibus

微距效果:手錶

當專業遇上商業 (Information Asymmetry)

錢錢錢

人老咗，接觸醫療服務多咗，無論公家或私家都有好多令人氣結事件。首先講私家，身邊好多人都試過比牙醫叫脫智慧齒，d智慧齒會唔會日後影响你，真係好難講，但肯定嘅就係手術費唔平，閒閒地每隻要千幾二千蚊架，遇到有醫德嘅就會中肯d講，不過，似乎睇黎遇到呢d好醫生嘅機會係微；我都試過比牙醫二話不說做咗d冇必要嘅operation；我屋企人都試過比d缺德醫生叫做d冇必要嘅invasive tests，花了金錢都算，最慘就係老人家要入醫院、又要局部麻醉。做test好多時都係灰色地帶，醫生梗話做多d測試會睇到多d野，點解我知d tests係多餘呢？因為我之後(唉)問另外一個醫生，佢似畢業冇幾耐，講完d症狀比佢聽，佢都估到8、9成，唔駛做乜testing，果個醫生仲話係教會醫生添，我問佢野時仲顯得非常之不耐煩！我樓下個屋村醫生睇症(傷風感冒)唔駛一分鐘，但係又排哂長龍，吹漲。咁政府又點呢，我屋企人都試過睇過所謂Consultant醫生，態度麻麻之餘(可以用串黎形容)，佢都係做咗好多invasive tests結果又inconclusive喎，事後我攞d results(影印收幾蚊一張)又問另外一個私家醫生，佢憑個d資料都診斷到個症喺無事，你話啦！每個月收十幾萬，又無態度，專業知識又欠缺！

私家醫生好多時都係老闆，一定會maximize profits，有小小醫得嘅咪猛叫你做tests咯，冇醫得嘅咪話你個病唔攪手尾長，要入院做多d復雜嘅test或做手術囉，賺多d。政府嘅就一日做特定咁多case，多case咪密d手，case少咪抖下囉。點解有咁嘅現象，醫生、律師…etc.可以收咁貴你又冇聲出？因為Information Asymmetry囉，佢地(醫生、律師)有一d information你係冇嘅，係個transaction裡面，佢地咪可以開天殺價而你又要乖乖地比$囉。所以Information is Power! 作為消費者，要勤力d睇多d資料，而家有互聯網就方便好多，最緊要有2nd opinion甚至3rd opinion。其實咁諗法，風水師都冇乜分別，總之要攪到好高深、玄妙，先可以收得貴。我相信呢d專業好快會有翻天覆地嘅改變，隨住互聯網嘅流行，information 一定會shift番多d去consumer道，可能未來有d social network專for professionals，靠referrals揾食。

On Radio 「知識迎人」

今兩集會講下Sony最新數碼相機TX1嘅Party Shot(15/9)，同政府剛推出嘅「創意智優計劃」 (22/9), 指教一下啦。遲d我會喺呢道再講吓TX1嘅測試。

電台：新城資訊台 (FM99.7–102.1MHz)

新城997

節目: 知識迎人

日期、時間： 15,22 Sept.  2009, 8:15-8:30pm

新城訪問 15Sept09 錄音

新城訪問 22Sept09 錄音

Black Peanuts! 黑花生

台灣黑落花生

好鍾意食花生，唔一定要飲啤酒先食得，花生營養價值高，跟據網上資料：

花生的蛋白質含量高達30%，其營養價值可與動物性食品雞蛋、牛奶、瘦肉媲美。它又含有人體所必需的8種氨基酸，而且其比例也與人體相適宜。此外，它還含有豐富的脂肪、卵磷脂，維生素A、B、E、K，以及礦物質元素鈣、磷、鐵等。花生中含有豐富的不飽和脂肪酸，能促進體內膽固醇的代謝和轉化，增強其排瀉功能，所以它具有降低血膽固醇的作用，可預防動脈粥樣硬化和冠心病。

花生仲有好多益處，所以我去超市都會得閒買包，一日食十粒到 。最近行超市，見到d黑色花生，買黎食吓，幾得意，但我都喜歡「正常」版多d！PS:唔好食太多，喉嚨會痛，唔好買加太多鹽果d，仲有，有d人對花生敏感，要小心，嚴重會有生命危險架！

老趙越南餐廳 Lo Chiu Vietnamese Restaurant

招牌法式三文治

蒸粉卷

香茅鷄翼

星期六行開佐敦，見到老趙，好耐未去過，於是入去試下，我都唔知呢間同山林道果間係咪一樣，以前對山林道果間d野食麻麻地，今次算ok，三文治好多人叫，我都覺得幾好，軟硬及乾濕適中，雞翼就差d，唔香同太乾冇汁又細隻，粉卷油左d之外都ok嘅。下次有機會試下牛肉湯粉先，如整得唔好嘅話就枉為越南餐廳啦。

扎肉湯檬粉

熟牛肉河粉

由鼎泰豐到做野嘅態度

滷水牛展

牛肉麵

小籠包

清炒菜心

菜肉包

toothpicks

一個月總有一、兩次行吓尖咀，如果6點食飯都會去鼎泰豐(7點去起碼要等半個鐘)，我總會叫小籠包、炒飯或牛肉麵，每一次嘅水準都好好，連簡單嘅炒菜心都唔會炒得老，支支菜心都咁上下大細，明顯有揀同洗過。今晚就叫咗d另類野，牛展就冇王加沙咁香同咁「臨」，菜肉包都唔夠香，個包d麵粉差啦，冇乜彈性。

點解講食又関做野態度事嘅？你去鼎泰豐就知乜叫做服務態度，侍應、知客、厠所啊姐都好有礼貌。去餐廳一睇個厠所就知老闆的細心，唔細心點會有好野呢？佢地個廁所成日抹，所以好乾淨，冇積冇味，點解台灣人做得到香港人做唔到呢？佢地對侍應嘅training都好，我地嘅茶壺未乾塘已經有人黎加熱水，未舉手已經有人過黎，當然可能因為非繁忙時間嘅關係啦，。態度決定一切！所以鼎泰豐全世界愈開愈多分店咯！！做人、讀書、做事都係一樣，態度就是一切！好多時成績差的同學都唔係因為IQ問題，佢地個個都係醒目仔女，咪就係態度問題囉！學習態度、處事態度、做人態度…一切一切，我觀察到好多時呢d壞習慣都係由細累積起黎，唔係話兩年大專生活可以輕易改變到，改到嘅，前路嘅選揀咪多d咯。好得意架，有時喺街道遇到呢d舊生，明明見到都會掂行掂過，甚致揾路走，好似遇到殺父仇人咁，哈！我係會鬧人，尤其是對d態度差嘅學生，其實我豆份人工，落堂咪走囉，駛乜咁勞氣呢？！我只不過係緊張，希望可以閙醒一下佢地，所謂「少壯不努力，老大徒傷悲」啊！但我其實都係囉梭吓啫，對事又唔對人嘅，加上我都係最多講兩、三次就算。最近網上遇番一d成績麻麻嘅學生，佢地話有d後悔，當初唔勤力，宜家無出路，話我閙得唔夠力水！:-)   同佢地傾下都知道佢正努力改變自己，尋找目標。都好呀，雖然遲咗d啫，但始終醒咗呀！好，我要繼續「閙爆」！！

Good Design – Sockets and Plugs

Simplicity is the best!

今日上左PDCA第一堂，個個同學仔都好有鬥心，好留心上堂，並志願做一個出色的設計師，好事，好事。

有好多同學一開始就想諗d偉大發明、驚世之作…唔係話唔好，其實有好多好嘅產品設計都係作出一些修改，例如d拖蘇成日好鬼多電線打蛇餅，亂到死！嗱，圖中嘅designer就好聰明，只要將個拖板翻轉，咁就可以收起哂d咁亂嘅電線。

老人家最啱用

唔需要萬能插蘇

再揾下関於拖板、插蘇嘅設計，原來有好多新諗法，好以有個設計專比老人家用，因為有時個插蘇要用好大力先可以攞番出黎，設計師用粒掣release個插蘇，好方便。另外一個設計去除咗萬能插蘇嘅需要，一個叠一個。 以下呢個design就最正，解決左個大頭plug問題。

光怪陸離 – 娛樂與安樂

哥仔，恭喜你！

9月1日，新版PS3 Slim零晨作全球首賣，呢名香港+全球第 1人Andrew用咗兩日時間排隊，佢嘅首賣回報除咗有首賣限定贈品外，連路透社同 EPN都搵佢做訪問，成為國際新聞人物。

「死」都要排隊

同日，青松觀開賣千個新骨灰龕，售價由五至二十萬元不等，逾 200名市民前晚通宵排隊 ，排頭位的葉女士輪候超過 29小時，原定可購得五個「陰宅」，其中一個給四年前腦癌去世的孫兒，其餘四個預留給她自己、丈夫及兒媳，惟突改為抽籤方式，令他們一家將來要「分居」，「死都唔眼閉！」。

有人通宵排隊為咗娛樂，有人排隊為咗死後要安樂，香港，香港！不如成功買到骨灰龕送PS3啦！

Movie “The Taking of Pelham 123″ 騎劫列車123

又一部番拍片

一個被扁小職員在通話機遇上悍匪，故事可以有幾緊張呢？導演Tony Scott就用左佢嘅強項，將電影頭個幾十分鐘拍得好有節奏，好快將觀衆帶入緊張情緒，所以千祈唔好遲入場。Tony自從導”Top Gun”出咗名之後，水準好參差，我比較喜歡佢嘅”Enemy of the State”同”Crimson Tide”，尤以”Crimson”拍得最緊湊，兩個男人在一個極狹窄的環境下power struggle，當然要有好演員配合啦，以乎佢好鍾意用Denzel Washington，今次佢發福左，演技算OK但不是top，對手John Travolta演壞人唔知點解都唔太convincing。戲裡面都有d笑位，但結局就比較冇說服力，好想睇番1974年個版本。呢套戲喺美國12June已經上映，點解香港要等成3個月呢？新加坡、韓國、台灣都同美國差不多同步上映，連中東好多國家都喺6、7月上哂啦，唔通因為票房麻麻所以香港咁耐先上？

Fresh Shrimp Sashimi! 活蝦刺身

活蝦刺身

今晚去完O’Camp探班學生，之後同同事揸車由TKO去九龍成「金宝」食泰國野，同事話呢間野好出名，好多名星去食。我地點左好多野，每人佰幾埋單，好飽。招牌菜「活蝦刺身」唔錯，「醬爆蝦丸」都好正，其他菜就一般OK水準。

有質素的教育是需要長期投資的

山東街校園冠名

攪教育冇投放資源係絕對唔會有quality的，今日參加咗一個簡單而隆重嘅典禮，有兩位善長損左千幾萬比我地，校方為報答佢地，將山東街校舍的「雙子塔」給予冠名，以表答謝。希望繼續有多d有心人支持我地教育的工作！

On Radio 「知識迎人」

今三集會講下海底電纜同最乞人增的Facebook用家 (25/8)，數碼相機同記憶咭的種類 (1/9)，電子遊戲機如新的”PS3 Slim” (8/9), 指教一下啦。

PS: 有小小補充, Compact Flash一開始都係用半導體,後來唔夠容量先用微形Hard Disc。

1 Tera Bytes (TB) = 1,000 Giga Bytes (GB), 例如兩個500GB Hard Disc等於一個1TB Hard Disc。

新城997

電台：新城資訊台 (FM99.7–102.1MHz)

節目: 知識迎人

日期、時間：25 Aug, 1+8 Sept,  2009, 8:15-8:30pm

新城訪問 25August09 錄音

新城訪問 01Sept09 錄音

新城訪問 08Sept09 錄音

Overheard 竊聽風雲 – the movie

好多影帝!

咁多影帝，加上堅料編劇，一定要睇！時實係一套好戲，人物索做出色，又一港產片代表作！要挑剔一下… 唔知係咪合拍片關係，結局一定要壞人冇好下場個隻，好似”The Usual Suspects”咁，劇力萬軍，未到最後一刻都未知結局，「竊」就冇”surprise”原素，佢地係專業情佈人員，點解一時咁小心、一時咁大意嘅？唔夠convicing呀！唔知係咪港產片一定要有動作？唔通太多對話會悶親亞洲嘅觀眾？有冇咁不濟？有冇睇過”Lions for Lambs”? 裡面d對話好powerful！Cruise同Streep段戲只有對話，但tension好夠，令人透不過氣來！Redford同學生一段戲就話你知乜叫做演好戲！香港writers有冇咁嘅功力呢？益或担心亞洲觀眾口味呢？最後個幕嘅CG比較弱，有大陸資金back up，不妨放多些budget落後期啦！

兒時夢想

Adidas 羚羊2

我細個係住公屋，家境不是富裕，上體育堂人人著名牌波鞋(Puma, Adidas風頭最勁)，我就著「白飯魚」，小小唔開心緊有，始終小朋友嘛，但我無怨人，著靚野唔會跑快d，反而教我知慳識儉、自力更生！

當時Adidas嘅 white on blue Gazelle同SuperStar係潮物，。而家興復古，今日見到對金色Gazelle 2!!! 你估下幾錢？

HK$280蚊!!!!超抵，即買！實現兒時夢想！

On Radio 「知識迎人」

今兩集會講下最近Facebook同Twitter比人用DDoS攻擊，同埋講吓數碼相機，指教一下啦。

新城997

電台：新城資訊台 (FM99.7–102.1MHz)

節目: 知識迎人

日期、時間：11+18 Aug 2009, 8:15-8:30pm

新城訪問 18August09 錄音

新城訪問 11August09 錄音

由緣份到IT前景

年紀愈大愈發覺有好多嘢都係命中註定、要發生始終要發生或者係計劃周詳但意料之外，呢d可以講係命運、緣份。

記得我喺三月通過我朋友嘅朋友揾咗個機會上電台介紹我地個School比多d人識(你知我地細單位，推廣budget是零，咪要靠朋友咯)，機緣巧合，其中一位嘉賓主持Horace係搞online娛樂，佢當時想揾IT人，叫我介紹d好同學比佢，我諗起我地第一屆畢業生Jeremy，佢今年應該結束中大兩年生活，畢業啦，要投入社會工作…結果佢已經喺呢間公司做咗差不多一個月，今日Jeremy、佢嘅上司Andrew同Horace約左我出黎食lunch，大家傾下天南地北、IT前景，佢地都話IT難請人，Jeremy話今屆佢d同學好多都有多個一個job offer，比起讀商科同學情況好好多！Andrew話佢嘅IT Team要expand到50人，乜position嘅人都要！仲問我有冇好嘅學生介紹一下，所以同學仔如你有興趣，請儘快聯絡我！佢地都話IT前景唔係差，只不過係d同學成日道聽途說，家長有時亦唔係太了解，其實無論邊個field，你只要做到最top個d人之一，咁就唔驚被人淘汰啦！

所以咪話呢d就係緣份囉！   遲d我會上佢地去司睇下、訪問下佢地老闆，到時影番d相放係呢道啦！

“Up” – Pixar is moving up… 昇華的彼思

升咗「呢」

又有好朋友比咗首影d飛去圓方睇呢套戲！真感激！ Pixar 係電腦動畫嘅大哥，醉心研究CG嘅我，點可以錯過佢嘅戲呢？由佢嘅短片開始，到第一部全電腦動畫電影Toy Story開始，每一部我都有睇，咁多年黎Pixar有乜轉變呢？佢嘅故事由主要比小朋友睇到而家開始比多d大人睇，好似呢套”Up”咁，老實講，角式外型唔係好吸引，相信小朋友唔會覺得cute，對於Pixar黎講，其實以佢地嘅技術，乜嘢做型都攪到，我覺得佢地想focus係故事方面多d，Pixar每套戲都有一個message，其他公司嘅出品會攪d好cute嘅角式、攪下笑咁，細路可能會睇得開心d，見到Pixar反而想走另一類路線，你睇下”Wall-E”到而家呢套”Up”就知，致於票房成唔成功呢，大家可以參考網上一d資料。我睇個版本係英語3D版，3D效果唔會用得太濫，冇話成日揾野隊你去show立體效果，又加上位置好，全程戴3D眼鏡(Polarizer type)都唔會太疲倦，不過d冷氣就超超凍。